"పెద్ది" మూవీ క్రిటిక్స్ రివ్యూ.. ఆల్ టైమ్ ఇండస్ట్రీ రికార్డ్స్ బ్రేక్ పక్కా !!
మెగా పవర్ స్టార్ రామ్ చరణ్ - సెన్సేషనల్ దర్శకుడు బుచ్చిబాబు సానా కాంబోలో తెరకెక్కుతున్న ప్రతిష్టాత్మక పాన్ ఇండియా చిత్రం "పెద్ది". ఈ సినిమాలో బాలీవుడ్ స్టార్ బ్యూటీ జాన్వీ కపూర్ హీరోయిన్గా నటిస్తుండగా, కన్నడ స్టార్ శివ రాజ్కుమార్, సీనియర్ నటుడు జగపతిబాబు, బాలీవుడ్ నటుడు దివ్యేండు శర్మ కీలక పాత్రల్లో కనిపించనున్నారు. ముఖ్యంగా ఆస్కార్ అవార్డు గ్రహీత ఏఆర్ రెహమాన్ సంగీతం అందిస్తుండటం సినిమాపై మరింత హైప్ తీసుకొచ్చింది. వెంకట సతీష్ కిలారు ఈ చిత్రాన్ని భారీ బడ్జెట్తో నిర్మిస్తున్నారు. ఇప్పటికే బ్యాక్గ్రౌండ్ స్కోర్, సాంగ్స్ విషయంలో ఇండస్ట్రీలో భారీ అంచనాలు ఉన్నాయి.
గ్రామీణ నేపథ్యంలో క్రికెట్ ఎమోషన్స్ను కలగలిపి తెరకెక్కిస్తున్న ఈ చిత్రాన్ని అత్యంత భారీ బడ్జెట్తో రూపొందిస్తున్నారు. ఇప్పటికే విడుదలైన పోస్టర్లు, గ్లింప్స్, ట్రైలర్ ప్రేక్షకుల్లో సినిమాపై ఆసక్తిని మరింత పెంచేశాయి. జూన్ 4న ప్రపంచవ్యాప్తంగా విడుదల కానున్న ఈ సినిమా కోసం చిత్రబృందం భారీ స్థాయిలో ప్రమోషన్స్ నిర్వహిస్తోంది. ఈ చిత్రానికి ముందుగా యూఎస్ఏతో పాటు పలు ప్రాంతాల్లో ప్రీమియర్ షోలు ప్రదర్శించగా, అక్కడి నుంచి వస్తున్న క్రిటిక్స్ రివ్యూలు సోషల్ మీడియాలో వైరల్ అవుతున్నాయి. పల్లెటూరి బ్యాక్డ్రాప్, స్పోర్ట్స్ ఎలిమెంట్, ఎమోషనల్ డ్రామా, మాస్ యాక్షన్, రాజకీయ నేపథ్యం.. ఇలా అన్ని కమర్షియల్ అంశాలను కలిపి రూపొందించిన పూర్తి స్థాయి ఎంటర్టైనర్గా 'పెద్ది' కనిపిస్తోందని ప్రీమియర్ ప్రేక్షకులు చెబుతున్నారు.
కథ ఏంటంటే..
1980ల నాటి ఆంధ్రప్రదేశ్ గ్రామీణ నేపథ్యంలో సాగే కథ ప్రేక్షకులను మొదటి సన్నివేశం నుంచే ఆ ప్రపంచంలోకి తీసుకెళ్తుందట. రామ్ చరణ్ ఎంట్రీ సీన్, గ్రామీణ మాండలికంలో డైలాగ్ డెలివరీ, క్యారెక్టర్ బిల్డప్ ప్రేక్షకులను విపరీతంగా ఆకట్టుకుంటాయని సమాచారం. ప్రత్యేకంగా గ్రామీణ క్రికెట్ మ్యాచ్లు, యువతను ఉర్రూతలూగించే స్పోర్ట్స్ బ్లాక్స్, హీరో ఎలివేషన్ సన్నివేశాలు థియేటర్లలో ఈలలు, చప్పట్లతో మార్మోగేలా ఉన్నాయని టాక్ వినిపిస్తోంది.
అచ్చమ్మ పాత్రలో జాన్వీ కపూర్ కేవలం గ్లామర్కే పరిమితం కాకుండా కథలో కీలకమైన భావోద్వేగాన్ని మోసే పాత్రలో కనిపిస్తారని చెబుతున్నారు. రామ్ చరణ్-జాన్వీ మధ్య వచ్చే సన్నివేశాలు కథకు భావోద్వేగ బలాన్ని అందిస్తాయని సమాచారం. సినిమా ఇంటర్వెల్ ఎపిసోడ్ ప్రస్తుతం ఎక్కువగా చర్చకు వస్తున్న అంశంగా మారింది. కథను పూర్తిగా మరో స్థాయికి తీసుకెళ్లే ట్విస్ట్తో ఇంటర్వెల్ ముగుస్తుందని, అదే సినిమా రెండో భాగంపై అంచనాలను మరింత పెంచుతుందని ఇండస్ట్రీ వర్గాలు చెబుతున్నాయి.
రెండో భాగంలో కథ గ్రామం నుంచి ఢిల్లీ రాజకీయాల వైపు మలుపు తిరుగుతుందని తెలుస్తోంది. ప్రారంభంలో కథనం కొంత నెమ్మదించినట్లు అనిపించినా, తర్వాత వచ్చే భావోద్వేగ సన్నివేశాలు సినిమాకు ప్రధాన బలంగా నిలుస్తాయని సమాచారం. ముఖ్యంగా కుటుంబ బంధాలు, ఆత్మగౌరవం, పోరాటం, కలల సాధన వంటి అంశాల చుట్టూ తిరిగే ఎమోషనల్ ట్రాక్ ప్రేక్షకులను కదిలిస్తుందని చెబుతున్నారు. ప్రీమియర్ చూసిన పలువురు ప్రేక్షకుల అభిప్రాయం ప్రకారం, రామ్ చరణ్ తన కెరీర్లో అత్యంత పరిపక్వమైన నటనను ఈ చిత్రంలో ప్రదర్శించినట్లు కనిపిస్తోంది. మాస్ సన్నివేశాల్లో ఉగ్రరూపం, భావోద్వేగ సన్నివేశాల్లో హృదయాన్ని తాకే నటనతో ప్రేక్షకులను కంటతడి పెట్టిస్తారని టాక్. కొన్ని సన్నివేశాల్లో ఆయన నటన అవార్డు స్థాయి ప్రదర్శనగా నిలిచే అవకాశం ఉందని సినీ వర్గాలు అభిప్రాయపడుతున్నాయి.
చివరి 30 నిమిషాలు సినిమాకు ప్రాణం?
క్లైమాక్స్కు ముందు నుంచి మొదలయ్యే స్పోర్ట్స్, రేసింగ్, యాక్షన్ ఎపిసోడ్స్ సినిమాకు అతిపెద్ద హైలైట్గా నిలుస్తాయని చెబుతున్నారు. ప్రతి కొన్ని నిమిషాలకు ఒక హై మూమెంట్ వస్తూ ప్రేక్షకులను సీట్ల అంచున కూర్చోబెడుతుందని సమాచారం. చివరి అరగంట పూర్తిగా హై ఎమోషనల్ మరియు హై ఎనర్జీ మోడ్లో సాగి, ప్రేక్షకులకు థ్రిల్లింగ్ అనుభూతిని అందిస్తుందని టాక్.
టెక్నికల్గా సినిమా ఎలా ఉంది?
ఆస్కార్ విజేత ఏఆర్ రెహమాన్ అందించిన బ్యాక్గ్రౌండ్ స్కోర్ సినిమాకు అదనపు బలంగా నిలిచిందని చెబుతున్నారు. ముఖ్యంగా ఇంటర్వెల్, క్లైమాక్స్ సన్నివేశాల్లో ఆయన సంగీతం ప్రభావం స్పష్టంగా కనిపిస్తుందట.
రత్నవేలు సినిమాటోగ్రఫీ గ్రామీణ అందాలను అద్భుతంగా ఆవిష్కరించిందని, ప్రతి ఫ్రేమ్ విజువల్గా రిచ్గా కనిపిస్తోందని ప్రీమియర్ ప్రేక్షకులు అభిప్రాయపడుతున్నారు.
శివ రాజ్కుమార్, జగపతి బాబు, దివ్యేందు శర్మ తమ తమ పాత్రలకు పూర్తి న్యాయం చేశారని తెలుస్తోంది. ముఖ్యంగా కొన్ని కీలక సన్నివేశాల్లో వారి నటన కథకు మరింత బలం చేకూర్చిందని సమాచారం.
ఫైనల్ టాక్
ప్రీమియర్ షోల నుంచి వస్తున్న ప్రారంభ స్పందనలను బట్టి చూస్తే 'పెద్ది' మాస్, క్లాస్, ఎమోషన్స్, స్పోర్ట్స్, యాక్షన్ ఇలా అన్ని వర్గాల ప్రేక్షకులను ఆకట్టుకునే సామర్థ్యం ఉన్న చిత్రంగా కనిపిస్తోంది.
Click it and Unblock the Notifications
Sign in with Google