నెహ్రూ కుటుంబ విధేయుడు పిసి అలెగ్జాండర్ మృతి

By Srinivas

Published: Wednesday, August 10, 2011, 10:26 [IST]

చెన్నై: దివంగత ప్రథమ ప్రధాని జవహర్ లాల్ నెహ్రూ కుటుంబానికి విధేయుడు అయిన పిసి అలెగ్జాండర్ బుధవారం మృతి చెందారు. చెన్నైలోని మద్రాసు మెడికల్ కళాశాల హాస్పిటల్‌లో చికిత్స పొందుతూ అలెగ్జాండర్ మృతి చెందారు. అలెగ్జాండర్ నెహ్రూ కుటుంబానికి మంచి విధేయుడు. దివంగత ప్రధాని రాజీవ్ గాంధీకి ప్రత్యేక కార్యదర్శిగా పని చేశారు. మహారాష్ట్ర, తమిళనాడు, గోవా రాష్ట్రాలకు గవర్నర్‌గా పని చేశారు.

2007వ సంవత్సరంలో నాటి కేంద్ర ప్రభుత్వం నేటి రాష్ట్రపతి ప్రతిభాపాటిల్ కంటే ముందు పిసి అలెగ్జాండర్ పేరును రాష్ట్రపతికి పరిశీలించింది. అలెగ్జాండర్ కేరళలోని మావేలికరలో జన్మించారు. 1921, మార్చి 20వ తేదిన ఆయన జన్మించారు. 90 ఏళ్ల వయసున్న అలెగ్జాండర్ గత కొద్దికాలంగా అస్వస్థత కారణంగా మద్రాసు హాస్పిటల్‌లో చికిత్స పొందుతున్నారు.

Published On August 10, 2011