తమిళనాడు గవర్నర్‌గా మాజీ ముఖ్యమంత్రి రోశయ్య?

న్యూఢిల్లీ: ఆంధ్రప్రదేశ్ మాజీ ముఖ్యమంత్రి కె. రోశయ్యను తమిళనాడు గవర్నర్‌గా నియమించవచ్చుననే వార్తలు వస్తున్నాయి. ఎస్ఎస్ బర్నాలా స్థానంలో ఆయన నియామకం జరుగుతుందని భావిస్తున్నారు. ఆంధ్రప్రదేశ్ ముఖ్యమంత్రి పదవి నుంచి తప్పించినందుకు ప్రతిగా ఆయనను ఏదో ఒక రాష్ట్రానికి గవర్నర్‌గా నియమించాలనే ఆలోచన కాంగ్రెసు అధిష్టానంలో సాగుతోంది.

ఉత్తరాఖండ్ గవర్నర్ మార్గెట్ ఆల్వాను రాజస్థాన్‌కు బదిలీ చేసే అవకాశాలున్నాయి. ప్రభారావు మృతితో రాజస్థాన్ గవర్నర్ పదవి ఖాళీగా ఉంది. త్వరలోనే ఈ నియామకాలు జరుగుతాయని అంటున్నారు. శివరాజ్ పాటిల్ పంజాబ్ గవర్నరుగా కొనసాగే అవకాశాలున్నాయి. రామేశ్వర్ ఠాకూర్ పదవీకాలం ముగుస్తుండడంతో మధ్యప్రదేశ్‌కు కొత్త గవర్నర్‌ను నియమిస్తారు. నిజానికి, గవర్నరు పదవి అప్పగించడానికి ముందు రోశయ్యకు కాంగ్రెసులో కీలక బాధ్యతలు అప్పగిస్తారనే వార్తలు కూడా వస్తున్నాయి.

English summary

Former chief minister of Andhra Pradesh K Rosaiah is likely to be appointed as the governor of Tamil Nadu in place of S S Barnala, whose term has run out.