మత్తు మందిచ్చి మహిళా రోగిని రేప్ చేసిన వైద్యుడు

By Pratap

Published: Tuesday, August 16, 2011, 10:19 [IST]

న్యూఢిల్లీ: మత్తు మందిచ్చి మహిళా రోగిని రేప్ చేసిన వైద్యుడిని ఢిల్లీ పోలీసులు అరెస్టుచేశారు. ఢిల్లీలోని నజఫ్‌గర్ ప్రాంతంలో ఈ సంఘటన చోటు చేసుకుంది. నిందితుడు దేవరాజ్ వర్మను పోలీసులు అరెస్టు చేశారు. చికిత్స కోసం వెళ్లిన తనకు మత్తు మందిచ్చి తనను వైద్యుడు రేప్ చేశాడని మహిళా రోగి పోలీసులు ఫిర్యాదు చేసింది. రేప్ జరిగినట్లు వైద్య పరీక్షల్లో తేలింది. దీంతో పోలీసులు కేసు నమోదు చేశారుట.

తన మరదలుతో కలిసి హర్యానాలోని జజ్జర్ జిల్లాకు చెందిన బాధితురాలు ఉదయం 9 గంటలకు వైద్యుడి వద్దకు వెళ్లింది. పరీక్షించే నెపంతో ఆ మహిళను ఒక్కదాన్నే వైద్యుడు లోనికి పిలిచాడు. ఆ సమయంలో మత్తు మందు సహాయంతో ఆమె స్పృహ కోల్పోయేలా చేసి ఆమెను వైద్యుడు రేప్ చేశాడు.

Published On August 16, 2011