చంద్రబాబుకు సవాల్ విసిరిన హరీష్ రావు

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి తెలంగాణ రాష్ట్ర సమితి (తెరాస) హరీష్ రావు సవాల్ విసిరారు. చిత్తశుద్ధి ఉంటే చంద్రబాబు ముఖ్యమంత్రి కిరణ్ కుమార్ రెడ్డి ప్రభుత్వంపై అవిశ్వాస తీర్మానం ప్రతిపాదించాలని ఆయన సవాల్ చేశారు. చంద్రబాబు మాటలతో కాకుండా చేతల్లో తన చిత్తశుద్ధిని ప్రదర్శించాలని ఆయన మంగళవారం మీడియా ప్రతినిధులతో అన్నారు.

తెలంగాణకు చెందిన మంత్రులు విధులకు హాజరు కావడంపై ఆయన మండిపడ్డారు. ఇదే రీతిలో పోతే ఎన్నికల్లో తెలుగుదేశం, కాంగ్రెసు పార్టీలకు డిపాజిట్లు కూడా దక్కవని ఆయన అన్నారు. కిరణ్ కుమార్ రెడ్డి ప్రభుత్వంపై అవిశ్వాస తీర్మానం ప్రతిపాదిస్తామని చెప్పి చంద్రబాబు వెనక్కి తగ్గారని ఆయన గుర్తు చేశారు. వచ్చే నెల 5వ తేదీన కరీంనగర్‌లో బహిరంగ సభ నిర్వహించనున్నట్లు ఆయన తెలిపారు. కాగా, కరీంనగర్ జిల్లా నేతలతో తెరాస అధ్యక్షుడు కె. చంద్రశేఖర రావు సమావేశమయ్యారు.

English summary

TRS MLA Harish Rao challenges TDP president N Chandrababu Naidu to propose no - confidence motion.