30 కోట్లకు జగన్ ఎమ్మెల్యేలను కొన్నాడు: బొత్స
ఉప ఎన్నికల్లో జగన్ వర్గం శానసభ్యులు విజయం సాధించలేరని, ఒక్కరు గెలిచినా అవినీతికి లైసెన్సు ఇచ్చినట్లేనని ఆయన అన్నారు. అవినీతే ఉప ఎన్నికల్లో తమ ఎజెండా అని ఆయన చెప్పారు. ఆరోపణలు వస్తే నిజాయితీని నిరూపించుకోవాల్సిన వైయస్ జగన్ స్టే కోరుతూ సుప్రీంకోర్టుకు ఎందుకు వెళ్లారో తెలియదని ఆయన అన్నారు. ఎవరు తప్పు చేసినా శిక్ష అనుభవించాల్సిందేనని ఆయన అన్నారు. వైయస్ రాజశేఖర రెడ్డి పేరు చెప్పి రాజకీయాలు చేసి లబ్ధి పొందాలని వైయస్ జగన్ చూస్తున్నారని, అధికార కాంక్షే జగన్ ఎజెండా అని ఆయన విరుచుకుపడ్డారు. జగన్ను వెనకేసుకొచ్చిన మాజీ మంత్రి జీవన్ రెడ్డి ఆయన వెంటే తిరగాలని బొత్స సత్యనారాయణ అన్నారు. తనపై ఆరోపణలు వస్తే దర్యాప్తు చేయించుకున్నానని, తెలుగుదేశం పార్టీ అధ్యక్షుడు నారా చంద్రబాబు నాయుడుకు ఆ దమ్ముందా అని ఆయన అన్నారు.
Click it and Unblock the Notifications
Sign in with Google