జగన్ కేసు దర్యాఫ్తు కొనసాగుతోంది: లక్ష్మీ నారాయణ

By Srinivas

Published: Wednesday, August 31, 2011, 18:17 [IST]

హైదరాబాద్: వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తులు, ఎమ్మార్ కేసుల్లో దర్యాఫ్తు కొనసాగుతోందని సిబిఐ జాయింట్ డైరెక్టర్ లక్ష్మీ నారాయణ చెప్పారు. ప్రభుత్వం నుంచి తెప్పించుకున్న పత్రాలను లోతుగా పరిశీలించాల్సిన అవసరం ఉందన్నారు. కాగా సిబిఐ ప్రభుత్వం నుండి తెప్పించుకున్న పత్రాలను పరిశీలిస్తోంది. కాగా జగన్, ఎమ్మార్ కేసుల్లో బుధవారం మరికొంత మందికి సిబిఐ నోటీసులు జారీ చేసింది.

సంస్థలు, వ్యక్తిగతంగా పెట్టుబడులు పెట్టిన వ్యక్తులకు, సాక్షులకు సిబిఐ నోటీసులు జారీ చేసింది. తమ ఎదుట హాజరు కావాలని వారిని ఆదేశించింది. కాగా సిబిఐ ఎఫ్ఐఆర్ ఆధారంగా ఎన్ఫోర్స్‌మెంట్ డిపార్ట్‌మెంట్(ఈడి) నోటీసులు జారీ చేయనన్నట్టు తెలుస్తోంది. జగన్ కంపెనీల్లో పెట్టుబడులు పెట్టిన వారి వివరాల పైనా ఆరా తీస్తున్నట్టు సమాచారం.

Published On August 31, 2011