మూడు నెలల్లో తెలంగాణకు పరిష్కారం: బొత్స

By Srinivas

Published: Saturday, September 3, 2011, 12:55 [IST]

విజయవాడ: ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ తెలంగాణ అంశంపై మరోసారి స్పందించారు. తెలంగాణ సమస్యకు మూడు నెలల్లో పరిష్కారం లభిస్తుందని ఆయన శనివారం విజయవాడలో ఏర్పాటు చేసిన మీట్ ది ప్రెస్ కార్యక్రమంలో అభిప్రాయపడ్డారు. ముఖ్యమంత్రి కిరణ్ కుమార్ రెడ్డి చెప్పినట్లుగా రెండు మూడు నెలల్లో సమస్యకు పరిష్కారం లభిస్తుందని తాను ఆశిస్తున్నట్టు చెప్పారు. అభివృద్ధి చెందిన చిన్నా రాష్ట్రాలు, పెద్ద రాష్ట్రాలు, అభివృద్ధి చెందని చిన్న, పెద్ద రాష్ట్రాలు ఉన్నాయన్నారు. తెలంగాణ అంశానికి చిన్న రాష్ట్రం, పెద్ద రాష్ట్రంతో సంబందం లేదన్నారు.

శాసనసభ్యులు అందరూ తమ ఇష్టానుసారంగానే కిరణ్ కుమార్ రెడ్డిని ముఖ్యమంత్రిగా ఎన్నుకున్నారన్నారు. దివంగత ముఖ్యమంత్రి వైయస్ రాజశేఖర రెడ్డి అవినీతిపరుడని తాము భావించడం లేదన్నారు. కాగా ఇదే కార్యక్రమంలో ఆయన జగన్ పైనా పరోక్షంగా విమర్శలు గుప్పించారు. అదే సమయంలో వైయస్ తమ నేత అని చెప్పుకొచ్చారు. వైయస్‌ను కాంగ్రెసు పార్టీ ఎప్పుడూ నిర్లక్ష్యం చేయలేదన్నారు.

Published On September 3, 2011