వంగవీటి రాధకు బొత్స సత్తిబాబు ఝలక్

By Srinivas

Published: Saturday, September 3, 2011, 15:03 [IST]

విజయవాడ: కాంగ్రెసు సీనియర్ నేత వంగవీటి రాధాకృష్ణకు ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ శనివారం ఝలక్ ఇచ్చారు. వంగవీటి రాధ తండ్రి, దివంగత కాంగ్రెసు సీనియర్ నాయకుడు వంగవీటి రంగ విగ్రహానికి పోరంకిలో పూలమాల వేసి నివాళులర్పించిన బొత్స సత్యనారాయణ రాధ ఇంటి ముందు ఉన్న రంగ విగ్రహానికి మాత్రం పూలమాల వేయకుండానే వెళ్లారు. దీంతో రాధా తీవ్ర మనస్థాపానికి గురైనట్లుగా తెలుస్తోంది.

ఈ సందర్భంగా వంగవీటి రాధ మీడియాతో మాట్లాడారు. తన తండ్రిని కాంగ్రెసు పార్టీ నిర్లక్ష్యం చేస్తోందని ఆరోపించారు. తన తండ్రి రంగా విగ్రహం సమీపం నుండి వెళ్లిన బొత్సకు పూలమాల వేసే సమయం కూడా లేదా అని ప్రశ్నించారు. తన తండ్రి ఆశయాలను పార్టీలకతీతంగా ప్రజలలోకి తీసుకు వెళతానని చెప్పారు. కాగా విజయవాడలో బొత్స రెండో రోజు పర్యటన కొనసాగుతోంది.

Published On September 3, 2011