పార్టీలో ఉంటారో వెళ్తారో ఆయనే చెప్పాలి: వివేకాపై డిఎల్

హైదరాబాద్: మాజీ వ్యవసాయ శాఖ మత్రి, దివంగత ముఖ్యమంత్రి వైయస్ రాజశేఖర రెడ్డి సోదరుడు వైయస్ వివేకానంద రెడ్డి పార్టీలో ఉంటారా బయటకు వెళ్లి పోతారా అనే విషయాన్ని ఆయనే చెప్పాలని వైద్య ఆరోగ్య శాఖ మంత్రి డిఎల్ రవీంద్రా రెడ్డి శనివారం అన్నారు. వైయస్ రాజశేఖర రెడ్డిని గజదొంగ అని కాంగ్రెసు పార్టీ నాయకులు ఎవరూ అనడం లేదన్నారు. గజదొంగ అని ఆయన కుటుంబ సభ్యులే అంటున్నారన్నారు. ప్రస్తుతం సిబిఐ విచారణ జరుగుతున్నది వైయస్‌పై కాదన్నారు.

వైయస్ పదవిని అడ్డు పెట్టుకొని వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తులు ఎలా సంపాదించారనే విషయం పైనే విచారణ జరుగుతుందన్నారు. జగన్ ఆస్తులపై ఆరోపణలు వచ్చినందునే సిబిఐ విచారణ జరుగుతోందన్నారు. సిబిఐ జాయింట్ డైరెక్టర్ లక్ష్మీ నారాయణ నిజాయితీ గల అధికారి అన్నారు. ఆయనపై వివేకానంద రెడ్డి విమర్శలు అర్థం లేనివన్నారు. పార్టీలో ఎవరు ఉన్నా ఎవరు లేకపోయినా నష్టం లేదన్నారు. తెలుగుదేశం పార్టీ అధినేత నారా చంద్రబాబు నాయుడు ఆస్తులు ప్రకటించడం మంచిదే అన్నారు.

English summary

Minister DL Ravindra Reddy responded on former minister YS Vivekananda Reddy comments today.