గాలి కరుణాకర్ రెడ్డిని ప్రశ్నించిన సిబిఐ అధికారులు

హైదరాబాద్: కర్ణాటక మాజీ మంత్రి గాలి జనార్దన్ రెడ్డి అక్రమ గనుల కేసులో ఆయన సోదరుడు, మాజీ మంత్రి గాలి కరుణాకర్ రెడ్డి శుక్రవారం సిబిఐ ముందు హాజరయ్యారు. హైదరాబాదులోని దిల్‌కుషా అతిథి గృహంలో ఆయన సిబిఐ అధికారుల ముందుకు వచ్చారు. గాలి జనార్దన్ రెడ్డి మరో సోదరుడు గాలి సోమశేఖర రెడ్డి గురువారం సిబిఐ అధికారుల ముందు హాజరయైన విషయం తెలిసిందే.

కాగా, రాష్ట్ర గనుల సంస్థ మాజీ మేనేజింగ్ డైరెక్టర్ రాజగోపాల్‌ను సిబిఐ అధికారులు శుక్రవారం రెండో రోజు కూడా ప్రశ్నిస్తున్నారు. గాలి జనార్దన్ రెడ్డిని, ఓబుళాపురం మైనింగ్ కంపెనీ మేనేజింగ్ డైరెక్టర్ శ్రీనివాస రెడ్డిని సిబిఐ అధికారులు శుక్రవారం న్యాయవాదుల సమక్షంలో ప్రశ్నిస్తున్నారు. కోర్టు ఆదేశాల మేరకు గాలి జనార్దన్ రెడ్డిని, శ్రీనివాస రెడ్డిని సిబిఐ తన కస్టడీలోకి తీసుకుని విచారిస్తున్న విషయం తెలిసిందే. ఈ నెల 19వ తేదీతో వారి సిబిఐ కస్టడీ ముగుస్తుంది.

English summary

CBI officers questioned Gali Janardhan Reddy's brother Gali Karunakar Reddy today.