కెసిఆర్ ప్రతిపాదనపై శైలజనాథ్ మండిపాటు

హైదరాబాద్: అనంతపురం, కర్నూలు జిల్లాలతో కలిపి తెలంగాణ రాష్ట్రాన్ని ఏర్పాటు చేసే ప్రతిపాదనను కేంద్ర ప్రభుత్వం చేస్తోందని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు చేసిన ప్రకటనపై రాయలసీమకు చెందిన రాష్ట్ర మంత్రి శైలజానాథ్ తీవ్ర అభ్యంతరం వ్యక్తం చేశారు. కెసిఆర్ మాటలను నమ్మడానికి వీలు లేదని ఆయన గురువారం మీడియా ప్రతినిధులతో అన్నారు. కెసిఆర్ మాటలను తెరాస నాయకులే నమ్మరని ఆయన అన్నారు. కేంద్రం వద్ద అటువంటి ప్రతిపాదన ఉందని కెసిఆర్ చెప్పిన మాటలు ఊహాజనితాలేనని ఆయన అన్నారు.

రాష్ట్రం సమైక్యంగానే ఉంటుందనే నమ్మకం తమకు ఉందని ఆయన అన్నారు. ఒకవేళ కేంద్రం కూడా అటువంటి ప్రతిపాదన చేస్తే రాష్ట్రాన్ని సమైక్యంగానే ఉంచాలని కోరుతామని ఆయన చెప్పారు. కేంద్రంపై ఒత్తిడి కూడా చేస్తామని ఆయన అన్నారు. రాష్ట్రంలో ప్రభుత్వం ఉందా లేదా అనే అనుమానం రావడం బాధ కలిగిస్తోందని ఆయన అన్నారు. ప్రభుత్వం ఉంది కాబట్టే ప్రజలు ఇంత సంతోషంగా ఉన్నారని ఆయన అన్నారు.

English summary

Minister from Rayalaseema Sailajanath opposed TRS president KCR proposal on division.