తెలంగాణ సరిహద్దులో బస్సుల నిలిపివేత, తీవ్ర ఉద్రిక్తత

నల్లగొండ: ఆంధ్ర, తెలంగాణ సరిహద్దుల్లో బస్సులు నిలిచిపోయాయి. ఆంధ్ర నుంచి వస్తున్న బస్సులను నల్లగొండ జిల్లా సరిహద్దుల్లో ఆపేశారు. ఆంధ్ర నుంచి హైదరాబాదుకు వస్తున్న బస్సులను సరిహద్దులో నిలిపివేయడంతో తీవ్ర ఉద్రిక్తత నెలకొంది. ప్రయాణికులు ఆందోళనకు దిగారు. ఆదివారం రాత్రి బయలుదేరిన బస్సులు సోమవారం తెల్లవారు జామున హైదరాబాదు చేరాల్సి ఉంటుంది. కానీ, సరిహద్దులోనే ఆపేయడంతో ప్రయాణికులు అక్కడే ఆగిపోయారు.

తెల్లవారు జామును బస్సులకు రక్షణ కల్పించలేమని పోలీసులు చేతులెత్తేశారు. చేసేది లేక బస్సులు ఆగిపోయాయి. తెలంగాణలో సకల జనుల సమ్మె ఉధృతమవుతున్న క్రమంలో ఆ పరిస్థితి చోటు చేసుకుంది. సమ్మె కారణంగా బొగ్గు కొరతతో విద్యుదుత్పత్తికి తీవ్ర ఆటంకం ఏర్పడింది. దీంతో విద్యుత్ కోత కూడా పెరిగింది. హైదరాబాదులో ఇప్పటి వరకు ఉన్న రెండు గంటల విద్యుత్ కోతను నాలుగు గంటలకు పెంచారు.

English summary

Buses were stopped at Andhra - Telangana boarder in Nalgonda district.