జగన్ ప్రయాణిస్తున్న విమానం గాలిలో చక్కర్లు

By Pratap

Published: Monday, October 10, 2011, 12:56 [IST]

రాజమండ్రి: వైయస్సార్ కాంగ్రెసు పార్టీ అధ్యక్షుడు వైయస్ జగన్ ప్రయాణిస్తున్న విమానం సోమవారం చాలా సేపు గాలిలో చక్కర్లు కొట్టింది. రాజమండ్రిలో దిగాల్సిన విమానానికి వాతావరణం సరిగా లేకపోవడంతో ల్యాండింగ్‌కు అనుమతి ఇవ్వలేదు. దీంతో చాలాసేపు గాలిలోనే చక్కర్లు కొడుతూ ఉండిపోయింది. వైయస్ జగన్ సోమవారం ఉదయం హైదరాబాదు నుంచి రాజమండ్రి బయలుదేరారు.

మాజీ మంత్రి జక్కంపూడి రామ్మోహన్ రావు అంత్యక్రియల్లో పాల్గొనడానికి ఆయన రాజమండ్రి వచ్చారు. కొంత సమయం తర్వాత ల్యాండింగ్‌కు అనుమతి ఇవ్వడంతో విమానం సురక్షితంగా దిగింది. దాంతో వైయస్ జగన్ సురక్షితంగా దిగారు. జక్కంపూడి రామ్మోహన్ రావు భౌతిక కాయానికి ఆయన నివాళులు అర్పించారు.

Published On October 10, 2011