వైయస్‌పై డిఎల్ రవీంద్రా రెడ్డి సంచలన వ్యాఖ్యలు

హైదరాబాద్: దివంగత ముఖ్యమంత్రి వైయస్ రాజశేఖర రెడ్డి మృతి అనంతరం రాష్ట్రంలో చోటు చేసుకున్న ఆత్మహత్యలు, మరణాలపై ఆరోగ్యశాఖ మంత్రి డిఎల్ రవీంద్రా రెడ్డి సోమవారం వివాదాస్పద వ్యాఖ్యలు చేశారు. ఒక సాధారణ నేత చనిపోతే సుమారు 600 మంది ప్రజలు చనిపోవడం సాధ్యమా అని డిఎల్ ప్రశ్నించారు. అలాగే ఇటీవల తెలంగాణ కోసం కూడా ఆత్మహత్యలు జరుగుతున్నాయన్నారు. ఒక సాధారణ నేత కోసం ఇంత మంది చనిపోవడంపై నిజాలు నిగ్గు తేలాల్సి ఉందన్నారు.

రైతుల ఆత్మహత్యలకు ప్రభుత్వ విధానాలే కారణం అన్నారు. ప్రభుత్వ వైఫల్యం కారణంగా రుణాలు సకాలంలో అందక పోవడం వల్లనే రైతులు ఆత్మహత్యలకు పాల్పడుతున్నారని అభిప్రాయపడ్డారు. కాగా వైయస్ రాజశేఖర రెడ్డికి, వైయస్సార్సీ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి వ్యతిరేకంగా పలుమార్లు డిఎల్ వ్యాఖ్యలు చేసిన విషయం తెలిసిందే. పలుమార్లు జగన్‌కు సవాళ్లు కూడా విసిరారు.

English summary

Minister DL Ravindra Reddy make hot comments on late YS Rajasekhar Reddy's suicides today.