బందు కాదు జైపాల్ రెడ్డిచే రాజీనామా: మందకృష్ణ

రాజమండ్రి: సకల జనుల సమ్మెలో భాగంగా పాఠశాలలు, కళాశాలలు మూయించడంపై మాదిగ రిజర్వేషన్ పోరాట సమితి అధ్యక్షుడు మంద కృష్ణ మాదిగ సోమవారం తూర్పు గోదావరి జిల్లా రాజమండ్రిలో ఆగ్రహం వ్యక్తం చేశారు. పాఠశాలలు బందు చేసి విద్యార్థుల జీవితాలతో ఆడుకోవద్దని తెలంగాణ రాజకీయ ఐక్య కార్యాచరణ సమితిని హెచ్చరించారు. విద్యార్థుల భవిష్యత్తు నాశనం అవుతుందని హెచ్చరించారు. పాఠశాలలు, కళాశాలలు బందు చేయాలని డిమాండ్ చేస్తున్న తెలంగాణ రాష్ట్ర సమితి శాసనసభ్యులు హరీష్ రావు, కల్వకుంట్ల తారక రామారావు, మంత్రి జానారెడ్డి, ఐకాస చైర్మన్ కోదండరామ్ పిల్లలు ఎక్కడ చదువుతున్నారో ప్రకటించాలని డిమాండ్ చేశారు.

తెలంగాణ కోసం కేంద్ర మంత్రి జైపాల్ రెడ్డి వంటి వారిపై ఒత్తిడి తీసుకు వచ్చి రాజీనామా చేయిస్తే బావుంటుందన్నారు. జైపాల్ రెడ్డి వంటి సీనియర్ నేతపై ఒత్తిడి పెంచి రాజీనామా చేయిస్తే కేంద్రం దిగి వస్తుందన్నారు. సమ్మె పేరుతో పాఠశాలలు మూసి వేయించి అణగారిన విద్యార్థులకు విద్యను దూరం చేస్తున్నారని విమర్శించారు.

English summary

MRPS president Manda Krishna Madiga suggested Telangana JAC about Telangana. He said centre will feel pressure when union minister Jaipal Reddy resign for his post.