గాలి కేసు: సండూరు మైనింగ్ కంపెనీలో సోదాలు

By Srinivas

Published: Friday, October 14, 2011, 11:41 [IST]

హైదరాబాద్: కర్నాటక మాజీ మంత్రి, కర్నాటక భారతీయ జనతా పార్టీ సీనియర్ శాసనసభ్యుడు గాలి జనార్ధన్ రెడ్డి కేసులో సిబిఐ అధికారులు శుక్రవారం బళ్లారిలోను సండూరు, ఎఎంసి, డెక్కన్, ఎన్ఎండిసి తదితర మైనింగ్ కంపెనీలలో సోదాలు నిర్వహించారు. గ్రూపులుగా విడిపోయిన సిబిఐ అధికారులు ఏకకాలంలో సోదాలు నిర్వహిస్తున్నారు. ఈ సోదాలలో పలు కీలక పత్రాలు వారు స్వాధీనం చేసుకున్నట్లుగా తెలుస్తోంది. కాగా సిబిఐ అధికారులు ఓబుళాపురం మైనింగ్ అక్రమాల కేసును వేగవంతం చేసినట్లుగా తెలుస్తోంది.

ఇటీవలి కాలంలో గాలి జనార్ధన్ రెడ్డికి చెందిన పలువురు ఇళ్లు, కార్యాలయాలలో సిబిఐ అధికారులు సోదాలు నిర్వహిస్తున్నారు. స్వస్తిక్ నాగరాజు, మహేష్, బళ్లారి జిల్లాలోని ఓ జెడ్పీటీసి తదితరుల ఇళ్లు, కార్యాలయాలతో పాటు పలు మైనింగ్ కంపెనీలలోనూ సోదాలు కొనసాగిస్తున్నారు. ఓంఎంసిపై సిబిఐ పూర్తి దృష్టి సారించడం కారణంగానే వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తుల కేసులో జాప్యం అవుతుందనే వాదనలు వినిపిస్తున్నాయి.

Published On October 14, 2011