రాములమ్మకు బెయిలు మంజూరు చేసిన రైల్వే కోర్టు

By Srinivas

Published: Sunday, October 16, 2011, 12:38 [IST]

హైదరాబాద్: తెలంగాణ రాష్ట్ర సమితి మెదక్ పార్లమెంటు సభ్యురాలు విజయశాంతికి ఆదివారం రైల్వే కోర్టు బెయిలు మంజూరు చేసింది. విజయశాంతితో పాటు మరో ఏడుగురికి కోర్టు బెయిలు దొరికింది. రూ.పదివేలు, ఇద్దరి పూచీకత్తుపై ఆమెకు కోర్టు బెయిలు ఇచ్చింది. తెలంగాణ రాజకీయ ఐక్య కార్యాచరణ సమితి పిలుపు మేరకు శనివారం రైలు రోకోలో పాల్గొన్న విజయశాంతిని పోలీసులు అరెస్టు చేసిన విషయం తెలిసిందే. ఆమెను అర్ధరాత్రే కోర్టు ముందు హాజరు పర్చినప్పటికీ బెయిలు కోసం సరైన పత్రాలు లేక పోవటంతో ఆమెకు బెయిలు నిరాకరించారు. ఉదయం ఆమెను చర్లపల్లి జైలుకు తరలించాల్సిందిగా మెజిస్ట్రీట్ ఆదేశాలు జారీ చేశారు. ఉదయం పిటిషన్‌పై వాదనల అనంతరం ఆమెకు బెయిలు మంజూరు చేశారు.

కాగా మాజీ మంత్రి, తెరాస నేత నాయిని నర్సింహా రెడ్డి పోలీసుల గృహనిర్బంధం నుండి తప్పించుకొన్నట్లుగా తెలుస్తోంది. నిజామాబాద్‌లో ఏనుగు రవీంద్రా రెడ్డికి కోర్టు పద్నాలుగు రోజుల రిమాండ్ విధించింది. స్టేషన్ ఘనపూర్ ఎమ్మెల్యే రాజయ్యకు ఏడు రోజుల రిమాండ్ విధించారు. నేతలలో కొందరికి బెయిలు రాగా మరికొందరికి బెయిలు రాలేదు. ఇంకొందరు బెయిలు పిటిషన్‌కు అంగీకరించడం లేదు.

Published On October 16, 2011