నవంబరు 1లోగా ప్రకటన చేయాలి: సమైక్యాంధ్ర జెఏసి

విశాఖపట్నం: ఆంధ్ర ప్రదేశ్ రాష్ట్రాన్ని సమైక్యాంగా ఉంచాలనే డిమాండుతో తాము ప్రత్యక్ష ఆందోళనలకు దిగుతామని సమైక్యాంధ్ర ఐక్య కార్యాచరణ సమితి బుధవారం ప్రకటించింది. నవంబరు 1వ తేదీలోగా కేంద్ర ప్రభుత్వం రాష్ట్రాన్ని సమైక్యాంగానే ఉంచుతామని ప్రకటించాలని వారు డిమాండ్ చేశారు. లేదంటే కేంద్రంపై ఒత్తిడి తీసుకు వచ్చే కార్యక్రమాలు చేపడతామన్నారు. నవంబర్ 1వ తేదిన సీమాంధ్రలోను పదమూడు జిల్లాల్లో పొట్టి శ్రీరాములు విగ్రహాలకు పాలాభిషేకం చేస్తామని చెప్పారు.

ఈ నెల 24న విద్యార్థులతో సమైక్యాంధ్రకు మద్దతుగా మానవ హారాలు నిర్వహిస్తామని 28న పల్లె బాట చేపడతామని చెప్పారు. సమైక్యాంధ్ర కోసం పార్టీలకతీతంగా ప్రజా ప్రతినిధులు కలిసి రావాలని విజ్ఞప్తి చేశారు. కాగా గుంటూరు జిల్లాలో సమైక్యాంధ్రకు మద్దతుగా బుధవారం నగరంలోని విద్యాసంస్థలన్నీ విద్యార్థులతో మానవ హారం నిర్వహించాయి. సమైక్యాంధ్రకు అనుకూలంగా నినాదాలు చేశారు.

English summary

Samaikyandhra JAC put dead line Central Government on Samaikyandhra statement.