రాహుల్ గాంధీ మీటింగ్ వద్ద రివాల్వర్ కలకలం

లక్నో: ఏఐసిసి ప్రధాన కార్యదర్శి రాహుల్ గాంధీ తన సొంత నియోజకవర్గం అమేథీలో పర్యటిస్తున్న సమయంలో ఓ యువకుడు లైసెన్స్‌డ్ రివాల్వర్‌తో రావడం గురువారం తీవ్ర కలకలం రేపింది. ఉత్తర ప్రదేశ్‌లో వచ్చే సంవత్సరం సాధారణ ఎన్నికలు ఉన్న నేపథ్యంలో కేంద్ర ప్రభుత్వ పథకాలు సక్రమంగా అందుతాన్నాయా లేదా పరిశీలించడానికి తన నియోజకవర్గానికి వచ్చారు. రాహుల్ ఓ సమావేశంలో మాట్లాడుతున్న సమయంలో ప్రదీప్ కుమార్ సోనీ అనే యువకుడు రివాల్వర్‌తో రాహుల్ సమీపానికి వచ్చారు. ప్రధాన ద్వారం నుండి లోపలికి వెళుతుండగా భద్రతా దళాలు అతనిని అదుపులోకి తీసుకున్నాయి. అయితే అతను దురుద్దేశ్యంతో రాలేదని మూడు నెలల క్రితం హత్యకు గురైన తన తండ్రి, సోదరుడి కేసుపై దరఖాస్తు ఇవ్వడానికి మాత్రమే వచ్చాడని తేలింది.

కాగా అంతకుముందు రాహుల్ గాంధీ అమేథీలోకి ప్రవేశించే ముందు చేదు అనుభవం ఎదురయింది. వచ్చే ఎన్నికల్లో సాధారణ ఎన్నికల్లో అవినీతి మచ్చ లేని నేతలకే టిక్కెట్లు ఇవ్వాలని డిమాండ్ చేశారు. రాహుల్ కాన్వాయ్‌ని అడ్డుకున్న వారు క్లీన్ ఇమేజ్ ఉన్న వారికే టిక్కెట్లు ఇవ్వాలని నినాదాలు చేశారు. అడ్డుకున్న వారిలో కాంగ్రెసు కార్యకర్తలు కూడా ఉన్నట్లు తెలుస్తోంది. కాగా 2012లో ఉత్తర ప్రదేశ్ రాష్ట్రంలో సాధారణ ఎన్నికలు జరగనున్నాయి. ఈ నేపథ్యంలో కేంద్ర ప్రభుత్వం పథకాలు రాష్ట్రంలో సక్రమంగా అందుతున్నాయా లేదా అని చూసేందుకు రాహుల్ తన నియోజకవర్గానికి ఒకరోజు పర్యటనకు వచ్చారు.

English summary

In a security scare, a youth carrying a pistol on Thursday attempted to enter a ground where Rahul Gandhi was addressing a public meeting and was detained by police.