సత్యం నిందితుల బెయిలుపై స్పందించండి: సుప్రీం

న్యూఢిల్లీ: సత్యం కేసులో నిందితుల బెయిలుపై స్పందించాలని సుప్రీం కోర్టు కేంద్రానికి శుక్రవారం నోటీసులు జారీ చేసింది. అలాగే ప్రధాన నిందితుడు రామలింగ రాజు బెయిల్ పిటిషన్‌ను సుప్రీం కోర్టు విచారణకు స్వీకరించింది. రామలింగ రాజుకు బెయిలు ఇవ్వడంపై ఉన్న అభ్యంతరాలను తెలపాలని న్యాయస్థానం కోరింది. ఈ కేసును సుప్రీం కోర్టు నవంబరు మూడో తేదికి వాయిదా వేసింది. కాగా సత్యం కేసులో ప్రధాన నిందితులు మినహా మిగిలిన ఐదుగురికి సర్వోన్నత న్యాయస్థానం పరిమితులతో కూడిన బెయిల్ మంజూరు చేసిన విషయం తెలిసిందే.

తమకు బెయిలు మంజూరు చేయాలని కోరుతూ రామలింగ రాజు, ఆయన సోదరుడు రామరాజు సుప్రీం కోర్టును ఆశ్రయించిన విషయం తెలిసిందే. సత్యం మాజీ చీఫ్ ఫైనాన్షియల్ ఆఫీసర్ వడ్లమాని శ్రీనివాస్ కూడా బెయిల్ కోసం పిటిషన్ దాఖలు చేశారు. కాగా సత్యం కుంభకోణం కేసులో సిబిఐకి సుప్రీం కోర్టు కాలపరిమితి విధించి ఆ లోగా విచారణ చేయాలని నిర్దేశించిన విషయం తెలిసిందే. ఆ లోగా విచారణ జరగకుంటే బెయిలుకు దరఖాస్తు చేసుకోవచ్చని నిందితులకు సూచించింది. నిందితులు బయటకెళితే సాక్ష్యాలు తారుమారు చేసే అవకాశముందని కాబట్టి వారికి బెయిలు ఇవ్వవద్దని గతంలో చెప్పింది.

English summary

Supreme Court issued notice to central government on Satyam case abusers.