ఎన్టీఆర్ వర్సెస్ వైయస్సార్, విగ్రహాలకోసం పోటాపోటీ

గుంటూరు/నల్గొండ: ఒకేచోట దివంగత ముఖ్యమంత్రుల విగ్రహాలను పెట్టడానికి ఇరుపార్టీల కార్యకర్తలు ప్రయత్నించడం గుంటూరు జిల్లాలో కొంత ఉద్రిక్తతకు దారి తీసింది. గుంటూరు జిల్లాలోని ఓ గ్రామ గ్రంథాలయ ప్రాంగణంలో శనివారం పలువురు దివంగత ముఖ్యమంత్రి వైయస్ రాజశేఖర రెడ్డి అభిమానులు ఆయన విగ్రహం కోసం శంకుస్థాపన చేశారు. అదే స్థలంలో ఆదివారం దివంగత ముఖ్యమంత్రి, తెలుగుదేశం పార్టీ వ్యవస్థాపకులు నందమూరి తారక రామారావు విగ్రహం పెట్టడానికి మరికొందరు శంకుస్థాపన చేశారు.

ఇరువర్గాలు విగ్రహాలు ఏర్పాటు చేయడానికి పోటాపోటీకి దిగడంతో మిగిలిన పార్టీ కార్యకర్తలు అక్కడ జెండాలు పాతిపెట్టారు. అక్కడ ఎవరి విగ్రహాలు పెట్టడానికి వీల్లేదని హెచ్చరించారు. స్థానికులు కూడా విగ్రహాలు పెట్టడం పట్ల అభ్యంతరం వ్యక్తం చేస్తున్నారు. కాగా నల్గొండ జిల్లా సూర్యాపేటలో తెలుగు తమ్ముళ్ల సమావేశం రసాభాసగా మారింది. టిడిపి చీఫ్ రైతు పోరు యాత్ర రోడ్డు మ్యాప్ కోసం జిల్లా నేతలు భేటీ అయ్యారు. ఈ భేటీలో పార్టీలోని ఇరువర్గాల మధ్య ఘర్షణ చోటు చేసుకొని అక్కడి ఫర్నిచర్ ధ్వంసం చేసే వరకు వెళ్లింది.

English summary

Lats NTR and Late YS Rajasekhar Reddy statues issue created tension at Dachepally of Guntur district.