డిసెంబర్ 1 వరకు జైల్లోనే కనిమొళి, విచారణ వాయిదా

By Pratap

Published: Wednesday, November 9, 2011, 12:24 [IST]

న్యూఢిల్లీ: 2జి స్పెక్ట్రమ్ కుంభకోణంలో ఇరుక్కున్న డిఎంకె పార్లమెంటు సభ్యురాలు, తమిళనాడు మాజీ ముఖ్యమంత్రి కరుణానిధి ముద్దుల కూతురు కనిమొళికి ఢిల్లీ హైకోర్టులో ఎదురు దెబ్బ తగిలింది. డిసెంబర్ 1వ తేదీ వరకు ఆమెకు జైలులోనే ఉండాల్సిన పరిస్థితి. కనిమొళితో పాటు మరో ముగ్గురు పెట్టుకున్న బెయిల్ పిటిషన్లపై ఢిల్లీ హైకోర్టు విచారణను డిసెంబర్ 1వ తేదీకి వాయిదా వేసింది. బెయిల్ పిటిషన్లను రెండు రోజుల క్రితం ప్రత్యేక కోర్టు తోసిపుచ్చడంతో కనిమొళితో పాటు మరో ముగ్గురు ఢిల్లీ హైకోర్టుకు వెళ్లారు.

కనిమొళి బెయిల్ పిటిషన్‌తో పాటు డిఎంకె ఆధ్వర్యంలోని కలైంగర్ టీవి ఎండి శరద్ కుమార్, కుసేగావ్ ఫ్ర్టూట్స్ అండ్ వెజిటెబుల్స్ ప్రైవేట్ లిమిటెడ్ డైరెక్టర్లు ఆసిఫ్ బాల్వా, రాజీవ్ అగర్వాల్‌ల బెయిల్ పిటిషన్లపై ఢిల్లీ హైకోర్టు విచారణను వాయిదా వేసింది. మే 20వ తేదీన అరెస్టయినప్పటి నుంచి కనిమొళి తీహార్ జైలులో ఉంటున్నారు.ట సిబిఐ అభ్యంతరం చెప్పకపోయినప్పటికీ ట్రయల్ కోర్టు నవంబర్ 3వ తేదీన కనిమొళికి బెయిల్ నిరాకరించింది.

Published On November 9, 2011