కిరణ్ ప్రభుత్వం మెజార్టీ నిరూపణ పిల్ కొట్టేసిన హైకోర్టు

By Srinivas

Published: Monday, November 14, 2011, 11:47 [IST]

హైదరాబాద్: ముఖ్యమంత్రి కిరణ్ కుమార్ రెడ్డి ప్రభుత్వం బలం నిరూపించుకోవాలని వేసిన పిటిషన్‌ను రాష్ట్ర అత్యున్నత న్యాయస్థానం హైకోర్టు సోమవారం కొట్టి వేసింది. ఇరు ప్రాంతాల నుండి పలువురు శాసనసభ్యులు రాజీనామా చేసినందున కిరణ్ ప్రభుత్వానికి కావాల్సిన మ్యాజిక్ ఫిగర్ లేదని, ఆయన తన మెజార్టీ నిరూపించుకోవాలని ఆదేశించవలసిందిగా కోరుతూ హైకోర్టును శాసనసభ్యుడు వేణుగోపాల చారి ఇటీవల ఆశ్రయించిన విషయం తెలిసిందే.

ఈ పిటిషన్‌పై ఇంతకుముందు ఒకరోజు పూర్తిగా వాదనలు పూర్తయ్యీయి. ఇరువురి వాదనలు విన్న హైకోర్టు సోమవారం వేణుగోపాల చారి పిటిషన్ కొట్టి వేసింది. పిల్ విచారణకు అర్హమైనదని కాదని వ్యాఖ్యానించింది. కాగా హైకోర్టులో తన పిటిషన్ కొట్టి వేసినప్పటికీ సుప్రీం కోర్టుకు వెళ్లే యోచనలో వేణుగోపాల చారి ఉన్నట్లుగా సమాచారం.

Published On November 14, 2011