శ్రీరాములు చిహ్నం: ఒకే గొడుగు కిందికి జగన్, గాలి

బెంగళూర్: బళ్లారిలో స్వతంత్ర అభ్యర్థిగా పోటీ చేస్తున్న గాలి జనార్దన్ రెడ్డి ముఖ్య అనుచరుడు శ్రీరాములుకు సీలింగ్ ఫ్యాన్‌ను ఎన్నికల గుర్తును కేటాయించారు. వైయస్సార్ కాంగ్రెసు పార్టీ అధ్యక్షుడు వైయస్ జగన్, కర్ణాటక మాజీ మంత్రి గాలి జనార్దన్ రెడ్డి కలిసి చేసే భవిష్యత్తు రాజకీయాలకు ఇది సూచిక కావచ్చుననే ఆసక్తికరమైన చర్చ సాగుతోంది. కడప, పులివెందుల ఉప ఎన్నికల్లో జగన్‌కు, వైయస్ విజయమ్మకు ఎన్నికల సంఘం సీలింగ్ ఫ్యాన్‌నే ఎన్నికల గుర్తుగా ప్రకటించింది. రాజకీయాల్లో సరిహద్దులు దాటి జగన్, గాలి జనార్దన్ రెడ్డి కలిసి పని చేసే అవకాశాలు లేకపోలేదని అంటున్నారు.

శ్రీరాములుకు కేటాయించదలిచిన మూడు చిహ్నాల్లో సీలింగ్ ఫ్యాన్ మొదటి స్థానంలో ఉంది. మరో రెండు చిహ్నాలు గ్యాస్ సిలిండర్, టెలివిడన్ సెట్. ఆఖరికి శ్రీరాములుకు సీలింగ్ ఫ్యాన్‌ను కేటాయించారు. హైదరాబాదులోని చంచల్‌గుడా జైలు నుంచి బయటకు వచ్చిన తర్వాత కొత్త పార్టీని పెట్టే ఆలోచన చేస్తామని శ్రీరాములు ఇది వరకే చెప్పారు. జగన్, శ్రీరాములు ఒకే ఎన్నికల గుర్తును ఎన్నుకోవడాన్ని బట్టి భవిష్యత్తులో జగన్, గాలి జనార్దన్ రెడ్డి కలిసి పనిచేసే దక్షిణాదిన పాగా వేయడానికి ప్రయత్నిస్తారని అర్థమవుతోందని అంటున్నారు.

English summary

The allotment of the “ceiling fan” symbol to Independent candidate and mine baron G. Janardhan Reddy’s lieutenant B. Sreeramulu in the bypoll for Bellary (Scheduled Tribe) assembly constituency may go a long way in the politics of neighbouring states of Karnataka and Andhra Pradesh where the same symbol was allotted to YSR Congress party, led by Kadapa MP Y.S. Jagan Mohan Reddy.