ఫ్యాక్షన్ హత్యలు, వేటకొడవళ్లతో నరికి ఇద్దరి హత్య

కడప: జిల్లాలో ఫ్యాక్షనిజం మరోసారి భగ్గుమంది. కడప జిల్లాలోని ప్రొద్దుటూరులో ప్రత్యర్థులు ఇద్దరిని వేటకొడవళ్లతో నరికి చంపేశారు. హతులు చెన్నమరాజుపల్లి గ్రామానికి చెందిన తండ్రీ కొడుకులు నడిపన్న, గోవర్ధన్‌లు. వీరిద్దరు మంగళవారం ఉదయం ప్రొద్దుటూరు ఆర్టీవో కార్యాలయానికి వచ్చారు. అదే సమయంలో ఐదుగురు ప్రత్యర్థులు గోడమాటు నుండి వారిపై వేటకొడవళ్లతో దాడి చేసి గొంతు కోశారు. దీంతో వారు అక్కడికక్కడే మృతి చెందారు. వీరిపై దాడిని అడ్డుకోబోయిన మరో ఇద్దరికీ తీవ్ర గాయాలయ్యాయి. వీరిద్దరూ ఇటీవల జరిగిన జంట హత్యల కేసులో నిందితులు. విషయం తెలుసుకున్న పోలీసులు హుటాహుటిన సంఘటనా స్థలానికి చేరుకున్నారు.

కాగా నిజామాబాద్ జిల్లాలోని నిజాంసాగర్ అచ్చంపేట గేటు వద్ద జరిగిన రోడ్డు ప్రమాదంలో ఇద్దరు మృతి చెందగా మరో పదిమంది తీవ్రంగా గాయపడ్డారు. ఆటో, లారీ ఢీకొనడంతో ఈ ప్రమాదం జరిగింది. క్షతగాత్రులను చికిత్స నిమిత్తం ఆసుపత్రికి తరలించారు.

English summary

Two men dead with factionism in Kadapa district. Victims are father and son, they were accuse in recent murder.