చంద్రబాబూ! ఇకనైనా సిబిఐ విచారణ ఎదుర్కో: కెటిఆర్

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు ఇకనైనా సిబిఐ విచారణ ఎదుర్కొని తన నిజాయితీ నిరూపించుకోవాలని తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావు బుధవారం సూచించారు. టిడిపి నేతల పిటిషన్లను సుప్రీంకోర్టు తోసి పుచ్చడమంటే ప్రాథమిక ఆధారాలు నిర్ధారించినట్లేనని అభిప్రాయపడ్డారు. తెలంగాణ ప్రాంత టిడిపి ఎమ్మెల్యేలు దమ్ముంటే రాజీనామాలు ఆమోదింప చేసుకోవాలని సవాల్ విసిరారు.

ముఖ్యమంత్రి కిరణ్ కుమార్ రెడ్డి ఇందిరమ్మ పాలన తెస్తానని ఎమర్జెన్సీని తలపించేలా పాలిస్తున్నారని టిఆర్ఎస్ఎల్పీ ఈటెల రాజేందర్ అన్నారు. ఉద్యమాన్ని అణిచి వేయాలని చూస్తే చూస్తూ ఊరుకునేది లేదన్నారు. ప్రజా హక్కులని ఖూనీ చేస్తే ప్రభుత్వానికి ప్రజలు గుణపాఠం చెబుతారన్నారు. ఉద్యమకారులపై కాంగ్రెసు వివక్ష వహిస్తుందని హరీష్ రావు అన్నారు. టిఆర్ఎస్ నేతలపై పిడి యాక్టు పట్ల గవర్నర్‌ను కలిసి ఫిర్యాదు చేస్తామన్నారు. రాజీనామా చేసిన టిడిపి ఎమ్మెల్యేలను స్పీకర్ ఎందుకు పిలవడం లేదని ప్రశ్నించారు.

English summary

TRS MLA KT Rama Rao suggested TDP chief Nara Chandrababu Naidu to face CBI enquiry. He demanded ttdp mlas about resignations.