విమర్శిస్తే స్పందన లేదేం?: జగన్ వర్గానికి బొత్స ప్రశ్న

By Srinivas

Published: Monday, December 5, 2011, 12:51 [IST]

హైదరాబాద్: దివంగత ముఖ్యమంత్రి వైయస్ రాజశేఖర రెడ్డిపై తెలుగుదేశం పార్టీ అసెంబ్లీలో విమర్శలు గుప్పిస్తే వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం ఎమ్మెల్యేలు ఏమాత్రం స్పందించలేదెందుకని ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ సోమవారం అన్నారు. టిడిపి అంత ఘాటుగా విమర్శలు చేస్తుంటే కనీసం నిరసన కూడా తెలుపరా అని ప్రశ్నించారు. చంద్రబాబు విమర్శలపై కేవలం కాంగ్రెసు సభ్యులమే నిరసనలు తెలిపామన్నారు. ఇదేనా జగన్ వర్గం చిత్తశుద్ధి అన్నారు.

కాగా అసెంబ్లీలో ప్రజారాజ్యం పార్టీ శాసనసభ్యులు బొత్స సత్యనారాయణను కలిశారు. సాయంత్రం జరగనున్న అవిశ్వాస తీర్మానంపై వారు చర్చించినట్లుగా తెలుస్తోంది. కాగా శాసనసభ పదిహేను నిమిషాలు వాయిదా పడిన అనంతరం తిరిగి ప్రారంభమైంది. ప్రభుత్వ వైఫల్యాలను టిడిపి అధినేత నారా చంద్రబాబు నాయుడు ఎండగట్టారు.

Published On December 5, 2011