'కిరణ్'ను పడగొట్టాలనుకోలేదు, తెలంగాణ తప్ప..: కెకె

హైదరాబాద్: కిరణ్ కుమార్ రెడ్డి సర్కారును కూల్చేందుకు తాను ప్రయత్నించానన్న ఆరోపణల్లో ఎలాంటి వాస్తవం లేదని కాంగ్రెసు పార్టీ సీనియర్ నేత కె కేశవ రావు ఆదివారం అన్నారు. ప్రభుత్వం పడిపోవడం వల్ల ఎలాంటి ఉపయోగం లేదని చెప్పారు. ప్రజారాజ్యం పార్టీ ఎమ్మెల్యేలు మద్దతివ్వడం వల్లే ప్రభుత్వం నిలబడిందన్నారు. తెలంగాణ ప్రజలు తెలంగాణ తప్ప ఎలాంటి ప్యాకేజీలు కోరుకోవడం లేదన్నారు. ప్రత్యేక మండళ్లు, ప్యాకేజీలు అవసరం లేదని కుండబద్దలు కొట్టారు.

పార్లమెంటు సమావేశాలలోపే తెలంగాణపై ఓ నిర్ణయం వస్తుందని ఆయన అభిప్రాయపడ్డారు. తెలంగాణ ప్రాంత కాంగ్రెసు నేతలు ప్రత్యేక రాష్ట్రం కోసం ప్రతిఘటన చేయకుండా ఉప ఎన్నికలకు వెళితే నష్టం తప్పదన్నారు. ప్రాంతీయ అభివృద్ధి మండలి కేవలం ఊహాగానాలేనని కొట్టి పారేశారు. ప్రత్యేక రాష్ట్రం ఏర్పడే వరకు పార్లమెంటులో తెలంగాణ ప్రాంత ఎంపీలు నిరసన గళాన్ని వినిపిస్తారన్నారు. ఉప ఎన్నికల్లో సమైక్యవాదం పని చేయదన్నారు. సీమాంధ్ర ప్రాంతంలో మెజార్టీ సీట్లను కాంగ్రెసు గెలుచుకుంటుందని ఆయన ధీమా వ్యక్తం చేశారు.

English summary

Congress senior leader K Keshav Rao condemned comments against him.