తిరుమలలో ముంబయి భక్తుడు వాసుదేవన్ మృతి

తిరుపతి: వేంకటేశ్వర స్వామి సన్నిధిలో గురువారం ముంబయి భక్తుడు మృతి చెందాడు. వైకుంఠం క్యూ కాంప్లెక్సులోని లడ్డూ కౌంటర్ వద్ద జారి కింద పడి ముంబయికి చెందిన వాసుదేవన్ మృతి చెందాడు. లడ్డూ కోసం భక్తులు ఎగబడటంతో ఈ యువకుడు జారి కింద పడ్డాడు. తలకు తీవ్రంగా దెబ్బ తగిలింది. దీంతో అతనిని హాస్పిటల్ తరలించే ప్రయత్నం చేశారు. మార్గమధ్యంలోనే అతను మృతి చెందాడు. సకాలంలో వైద్యం అందక తన వాసుదేవన్ మృతి చెందాడని అతని పాటు వచ్చిన స్నేహితులు ఆరోపిస్తున్నారు.

యువకుడికి ఫిట్స్ రావడం వల్లే మృతి చెందాడని, తిరుమలలో భక్తుల రద్దీ సాధారణంగానే తొక్కిసలాడకు అవకాశమే లేదని అధికారులు తెలిపారు. కాగా వాసుదేవన్ మృతిపై తిరుమల తిరుపతి దేవస్థానం చైర్మన్ కనుమూరి బాపిరాజు విచారం వ్యక్తం చేశారు. మృతుడిని మహారాష్ట్రంలోని స్వగ్రామానికి పంపించాలని అధికారులను ఆదేశించారు.

English summary

Mumbai Venkateswara Swamy devotee died today in Tirumala at Laddu ticket counter.