జగన్ ఎమ్మెల్యేల నిర్ణయం స్పీకర్‌దే: శంకర రావు

By Srinivas

Published: Friday, December 16, 2011, 16:20 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి వర్గం శాసనసభ్యులపై అంతిమ నిర్ణయం స్పీకర్ నాదెండ్ల మనోహర్‌దేనని చేనేత, జౌళీ శాఖ మంత్రి శంకర రావు శుక్రవారం అన్నారు. ఉప ఎన్నికల్లో కాంగ్రెసు పార్టీయే అన్ని సీట్లు గెలుచుకుంటుందని ధీమా వ్యక్తం చేశారు. అభివృద్ధి, సోనియా గాంధీ నినాదాలతో తాము ఉప ఎన్నికలకు వెళతామన్నారు.

దివంగత ముఖ్యమంత్రి వైయస్ రాజశేఖర రెడ్డి, ఏఐసిసి అధ్యక్షురాలు సోనియా గాంధీకి మధ్య పోటీ అంటే ఎల్‌కెజి విద్యార్థి, తలపండిన నేతకు మధ్య పోటీయే అన్నారు. అభివృద్ధి నినాదమే కాంగ్రెసును తప్పకుండా గెలిపిస్తుందన్నారు.

Published On December 16, 2011