శ్రీలక్ష్మికి సుప్రీంలో చుక్కెదురు, కోర్టులో లొంగుబాటు

న్యూఢిల్లీ: కర్నాటక మాజీ మంత్రి గాలి జనార్ధన్ రెడ్డి ఓబుళాపురం గనుల కేసులో అరెస్టై, బెయిల్‌పై బయటకొచ్చిన శ్రీలక్ష్మికికి సుప్రీం కోర్టులోనూ శుక్రవారం చుక్కెదురైంది. తన బెయిల్ పిటిషన్ పొడిగించాలని ఆమె పెట్టుకున్న పిటిషన్ పైన విచారణ జరిపిన కోర్టు హైకోర్టు తీర్పుపై స్టే ఇవ్వడానికి నిరాకరించింది. తదుపరి విచారణను జనవరి 16వ తేదికి వాయిదా వేసింది. తన ఆరోగ్య రీత్యా తన బెయిల్ ఇవ్వాలని ఆమె కోర్టును కోరారు. కానీ కోర్టు దానిని తోసిపుచ్చింది. సుప్రీంలోనూ ఆమెకు చుక్కెదురు కావడంతో ఆమె శుక్రవారం సాయంత్రం నాంపల్లి సిబిఐ కోర్టు ముందు లొంగి పోయారు. కోర్టు ఆమెకు ఈ నెల 12వ తేది వరకు రిమాండ్ విధించింది.

కాగా ఇటీవల రాజగోపాల్‌కు సిబిఐ ప్రత్యేక కోర్టు బెయిల్ ఇచ్చి ఆ తర్వాత దానిపై స్టే విధించిన విషయం తెలిసిందే. దీనిపై రాజగోపాల్ కోర్టుకు వెళ్లారు. అక్కడా ఆయనకు బెయిల్ లభించలేదు. సిబిఐ, రాజగోపాల్ వాదనలు విన్న హైకోర్టు ఆయనకు బెయిల్ నిరాకరించింది. దీంతో సిబిఐ శ్రీలక్ష్మి బెయిల్‌ను సవాల్ చేస్తూ హైకోర్టును ఆశ్రయించారు. ఆరో తేదీలోగా సిబిఐ ఎదుట లొంగిపోవాలని హైకోర్టు జనవరి 2న సూచించింది. దీన్ని సవాల్ చేస్తూ శ్రీలక్ష్మి సుప్రీంకు వెళ్లారు. అక్కడ కూడా ఆమెకు చుక్కెదురైంది.

English summary

The Supreme Court has cancelled IAS officer Srilakshmi's bail granted by CBI court in Gali janardhan Reddy illegal mining case.