• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సంక్రాంతి సంబరాల్లో విషాదం: యువకుడి కాల్చివేత

By Pratap
|

Vijayanagaram District
విజయనగరం: సంక్రాంతి సంబరాల సందర్భంగా విజయనగరం జిల్లాలో విషాద సంఘటన చోటు చేసుకుంది. విజయనగరం జిల్లా గుమ్మలక్ష్మీపురం మండలం గోరాడాలో ఓ యువకుడిని మరో యువకుడు నాటు తుపాకితో కాల్చి చంపాడు. నృత్య ప్రదర్శనలో విజయం సాధించిన రూపారావు అనే యువకుడిపై కామేశ్వర రావు అనే యువకుడు ద్వేషంతో కాల్పులు జరిపాడు. కాల్పుల్లో గాయపడిన రూపారావును ఆస్పత్రికి తరలించారు. అయితే, చికిత్స పొందుతూ రూపారావు మరణించాడు. కామేశ్వర రావును పోలీసులు అదుపులోకి తీసుకున్నట్లు తెలుస్తోంది.

కాగా, కృష్ణా జిల్లా బొబ్బర్లంకలో కోడి పందాల సందర్భంగా ఘర్షణ చెలరేగింది. బొంబర్లంక, రేపల్లే గ్రామాలకు చెందినవారి మధ్య ఈ ఘర్షణ చోటు చేసుకుంది. ఇందులో ఐదుగురు గాయపడ్డారు. ఒకరి పరిస్థితి ఆందోళనకరంగా ఉంది. పశ్చిమ గోదావరి జిల్లా ఐ భీమవరంలో కోడి పందాల సందర్భంగా ఘర్షణ జరిగింది. విశాఖపట్నం జిల్లాలోని పోలవరం గ్రామంలో కోడి పందాల శిబిరంపై పోలీసులు దాడి చేశారు. అయితే, పోలీసులను గ్రామస్థులు నిర్బంధించారు. దీంతో ఆ గ్రామానికి అదనపు బలగాలను చేరవేస్తున్నారు.

English summary
A youth was shot dead by another youth in Sankranthi dance competitions in Vijayanagaram district.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X