• search
  • Live TV
మెదక్ వార్తల కోసం
నోటిఫికేషన్స్ పై క్లిక్ చేయండి  

అందరూ జై తెలంగాణే కాదన్నదెవరు?: సిఎం చురకలు

By Srinivas
|

Kiran Kumar Reddy
మెదక్: ముఖ్యమంత్రి కిరణ్ కుమార్ రెడ్డి మంగళవారం తన మెదక్ జిల్లా పర్యటనలో తెలంగాణవాదులకు చురకలు వేశారు. మధ్యాహ్నం ఆయన మెదక్ జిల్లాలోని గొట్టిముక్కల గ్రామంలో రెవెన్యూ సదస్సును ప్రారంభించారు. ఈ సందర్భంగా ఆయన మాట్లాడుతుండగా కొందరు తెలంగాణవాదులు జై తెలంగాణ నినాదాలు చేశారు. అందుకు కిరణ్ స్పందిస్తూ అదంతా మామూలేనని, ఇక్కడ ఎవరైనా తెలంగాణ కాదా? అందరూ జై తెలంగాణే కాదన్నదెవరు? అంటూ నినాదాలు చేసిన వారికి చురకలు అంటించారు. అనంతరం ఆయన మాట్లాడారు. 1954 నుండి భూ రికార్డులు సక్రమంగా లేవన్నారు. వాటిని ఆధునీకరించాల్సిన అవసరముందన్నారు. గ్రామాలను చిన్న చిన్న సమస్యలు పట్టి పీడిస్తున్నాయన్నారు. త్వరలో 25 లక్షల మందికి భూహక్కులు ఇస్తామన్నారు.

గ్రామాల్లో ఎటువంటి తగాదాలు ఉండవద్దనే ఉద్దేశ్యంతోనే రెవెన్యూ సదస్సులు పెడుతున్నట్లు చెప్పారు. అలాగే దళారుల బెడద తీర్చేందుకు త్వరలో మీసేవ కార్యక్రమం ప్రారంభిస్తామని చెప్పారు. మీసేవ ద్వారానే సర్టిఫికెట్లు జారీ చేస్తామన్నారు. రాష్ట్రంలో అరవై వేల గ్రామాల్లో సదస్సులు నిర్వహిస్తామన్నారు. కాగా శివ్వంపేట మండలంలో ముఖ్యమంత్రి పలు అభివృద్ధి పనులను ప్రారంభించారు. ఈ కార్యక్రమంలో మంత్రులు రఘువీరా రెడ్డి, గీతా రెడ్డి పాల్గొన్నారు.

English summary
CM Kiran Kumar Reddy commented telanganites today in his Medak district tour.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X