• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్‌పై పోరాడుతున్నందుకే: డిఎల్‌కు శంకరరావు అండ

By Srinivas
|

P Shankar Rao
హైదరాబాద్: మంత్రి డిఎల్ రవీంద్రా రెడ్డి, తాను వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అవినీతిపై పోరాడుతున్నందుకే తమపై ముఖ్యమంత్రి కిరణ్ కుమార్ రెడ్డి కక్ష కట్టారని మాజీ మంత్రి, కంటోన్మెంట్ ఎమ్మెల్యే శంకర రావు బుధవారం ఆరోపించారు. వైయస్ జగన్ ఐఏసిసి అధ్యక్షురాలు సోనియా గాంధీపై విమర్శలు చేస్తున్నప్పుడు ముఖ్యమంత్రి ఎందుకు స్పందించడం లేదని ప్రశ్నించారు. జగన్ పార్టీ పైన, పార్టీ అధినేత్రి పైన విమర్శలు చేస్తున్నప్పుడు తాను, డిఎల్ రవీంద్రా రెడ్డి, సీనియర్ నేత వి హనుమంత రావు మరికొందరం మాత్రమే స్పందిస్తున్నామని అన్నారు. ముఖ్యమంత్రితో సహా చాలామంది విమర్శలపై స్పందించడం లేదన్నారు. తాను మొదటి నుండి జగన్‌కు బద్ద వ్యతిరేకినని ఆయన చెప్పారు. దివంగత ముఖ్యమంత్రి వైయస్ రాజశేఖర రెడ్డి రెక్కల కష్టంతో వచ్చిన ప్రభుత్వాన్ని సోనియా నడుపుతున్నారన్న వ్యాఖ్యలపై ఇప్పటి వరకు సిఎం ఖండించక పోవడం శోచనీయమన్నారు.

దళితులను కాంగ్రెసు పార్టీ దూరం చేసుకుంటోందని విమర్శించారు. ఎక్సైజ్ శాఖ మంత్రి మోపిదేవి అవినీతి విషయాన్ని తాను గతంలోనే చెప్పానని గుర్తు చేశారు. హోంమంత్రి సబితా ఇంద్రా రెడ్డిపై సిబిఐ కేసు పెట్టి విచారణ జరపాలని ఆయన డిమాండ్ చేశారు. ఉప ముఖ్యమంత్రి నుండి వ్యవసాయ శాఖ ఎందుకు తొలగించారో చెప్పాలని డిమాండ్ చేశారు. చాలామంది మంత్రులు అధికారాన్ని దుర్వినియోగం చేస్తున్నారని అన్నారు. అవినీతి ఆరోపణలు ఎదుర్కొంటున్న మంత్రులను వెంటనే తొలగించాలని ఆయన డిమాండ్ చేశారు.

English summary
Former Minister Shankar Rao supported minister DL Ravindra Reddy. He accused CM Kiran Kumar Reddy that he targeted us for fighting against YS Jagan corruption.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X