మద్యం సిండికేట్లపై దర్యాప్తునకు సిట్ ఏర్పాటు

By Pratap

Published: Friday, February 17, 2012, 19:35 [IST]

హైదరాబాద్: రాష్ట్రంలోని మద్యం సిండికేట్లపై దర్యాప్తునకు అవినీతి నిరోధక శాఖ (ఎసిబి) ప్రత్యేక దర్యాప్తు బృందాన్ని (సిట్‌ను) ఏర్పాటు చేసింది. సీనియర్ ఐపియస్ అధికారు, ఎసిబి అదనపు డైరెక్టర్ శ్రీనివాస రెడ్డి నేతృత్వంలో ఈ సిట్‌ను ఏర్పాటు చేశారు. ఈ బృందంలో 11 నుంచి 13 మంది సీనియర్ ఐపియస్ అధికారులుంటారు. ఎస్‌పిలు, డిఎస్‌పి ఈ బృందంలో ఉంటారు.

ఎసిబిలోని అన్ని విభాగాలు ఎక్కడికక్కడ మద్యం సిండికేట్లపై దర్యాప్తు సాగిస్తుండడంతో మిగతా కేసుల పురోగతికి ఆటంకంగా మారింది. దీంతో మద్యం సిండికేట్లపై ప్రత్యేక బృందాన్ని ఏర్పాటు చేయడం ద్వారా ఆ సమస్యను అధిగమించాలని ఆలోచిస్తున్నారు. సిట్ ఏర్పాటుకు ఎసిబి డైరెక్టర్ ప్రభుత్వం నుంచి అనుమతి పొందారు. మద్యం సిండికేట్ల వ్యవహారం రాష్ట్రంలో రాజకీయ కలకలం సృష్టిస్తున్న విషయం తెలిసిందే.

Published On February 17, 2012