• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబు చిన్న మెదడు చితికింది: హరీష్ రావు

By Pratap
|

Harish Rao
హైదరాబాద్: తెలంగాణ రాష్ట్ర సమితి (తెరాస) పని అయిపోయిందని తెలుగుదేశం పార్టీ అధ్యక్షుడు నారా చంద్రబాబు నాయుడు చేసిన వ్యాఖ్యపై ఆ పార్టీ శానసభ్యుడు హరీష్ రావు తీవ్రంగా మండిపడ్డారు. వాస్తవం ఒక్కటైతే చంద్రబాబుకు మరోటి కనిపిస్తోందని, చిన్న మెదడు చితికిపోవడం వల్ల అలా కనిపిస్తోందని, సిటి స్కాన్ చేయించుకుని బాగు చేయించుకుంటే మంచిదని ఆయన ఆదివారం మీడియా ప్రతినిధుల సమావేశంలో అన్నారు. గత ఉప ఎన్నికల్లో తెలుగుదేశం పార్టీ అభ్యర్థులకు ఒక్క సీటులో కూడా డిపాజిట్ దక్కలేదని, స్వతంత్ర అభ్యర్థికి వచ్చిన ఓట్లు కూడా రాలేదని ఆయన అన్నారు. అయినా చంద్రబాబుకు జ్ఞానోదంయ కాలేదని ఆయన అన్నారు. మద్యం సిండికేట్లపై, తదితర విషయాలపై శాసనసభలో, వెలుపలా గంటల కొద్ది మాట్లాడే చంద్రబాబు తెలంగాణపై ఎందుకు మాట్లాడడం లేదని ఆయన అడిగారు. తెలంగాణపై కాంగ్రెసును ఎందుకు నిలదీయడం లేదని ఆయన ప్రశ్నించారు.

ముగ్గురు కాంగ్రెసు శాసనసభ్యులు రాజీనామా చేసి తమ పార్టీలో చేరారని, పిసిసి అధ్యక్షుడిగా ఉన్నప్పుడు డి. శ్రీనివాస్‌ను ఓడించిన చరిత్ర తమకు ఉందని, చంద్రబాబు కాంగ్రెసుకు మద్దతిచ్చారని అంటూ కాంగ్రెసుతో కుమ్మక్కయిందా చంద్రబాబా, తామా అని ఆయన అడిగారు. గతంలో ఉప ఎన్నికలు వచ్చినప్పుడు తెలుగుదేశం నాయకులు బాబ్లీ డ్రామా ఆడారని, అయినా డిపాజిట్లు కూడా రాలేదని, ఇప్పుడు తెలంగాణ అమర వీరుల పేరుతో మరో డ్రామా ఆడబోతున్నారని ఆయన అన్నారు. బాబ్లీ వ్యవహారంలో పోలీసు స్టేషన్లో పడినా ప్రజలు తెలుగుదేశం పార్టీని విశ్వసించలేదని, తెలుగుదేశం పార్టీ విశ్వాసం తెలంగాణ ప్రజల విశ్వాసం కోల్పోయిందని, తెలుగుదేశం పార్టీ ఖతమైందని ఆయన అన్నారు. తెలుగుదేశం పార్టీ ఖతమైన విషయం చంద్రబాబుకు కనిపించడం లేదని, తెరాస పని అయిపోయిందని అంటున్నారని ఆయన అన్నారు.

తాను తెలంగాణకు వ్యతిరేకం కాదని చంద్రబాబు వేయి సార్లు చెప్పారని, దానికి బదులు ఒక్కసారి తాను తెలంగాణకు అనుకూలమని చెప్తే ప్రజలు నమ్ముతారని, అయితే చంద్రబాబు అందుకు సిద్ధంగా లేరని, తెలంగాణద్రోహిగానే మిగిలిపోతారని ఆయన అన్నారు.

English summary
TRS MLA Harish Rao retaliated TDP president N Chandrababu Naidu.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X