• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

రోశయ్యకు బిగుస్తున్న ఉచ్చు, రాష్ట్రపతికి ఫిర్యాదు

By Pratap
|

Rosaiah
హైదరాబాద్: తమిళనాడు గవర్నర్, మాజీ ముఖ్యమంత్రి కె. రోశయ్య చుట్టూ ఉచ్చు బిగుస్తోంది. హైదరాబాదులోని అమీర్‌పేటలోని భూవ్యవహారం ఆయనను కష్టాల్లోకి నెట్టే సూచనలు కనిపిస్తున్నాయి. అమీర్‌పేట భూవ్యవహారంలో ఐఎఎస్ అధికారులు సమర్పించిన పత్రాలను, ఇతర సాక్ష్యాలను జోడిస్తూ తెలంగాణ న్యాయవాదుల సంఘం రాష్ట్రపతి ప్రతిభా పాటిల్‌కు, ప్రధాని మన్మోహన్ సింగ్‌కు ఫిర్యాదు చేసింది. రోశయ్యను రీకాల్ చేయాలని డిమాండ్ చేసింది.

అమీర్‌పేటలోని మైత్రీవనం వద్ద కోట్లాది రూపాయల భూమిని డీనోటిఫై చేసిన కేసులో రోశయ్య చీటింగ్, అవినీతి ఆరోపణలను ఎదుర్కుంటున్నారు. 2జి కుంభకోణం కేసులో సుప్రీంకోర్టు తీర్పును ఉటంకిస్తూ ఫిర్యాదుదారు తరఫు న్యాయవాది టి. శ్రీరంగారావు - దురుద్దేశ్యాలతో విధులు నిర్వహించిన ప్రభుత్వ సేవకులను ప్రాసిక్యూట్ చేయడానికి అనుమతి అవసరం లేదని ఎసిబి కోర్టులో రోశయ్యకు వ్యతిరేకంగా వాదించారు.

కేసు విచారణ మార్చి 2వ తేదీకి వాయిదా పడింది. సాక్షుల విచారణ పూర్తయింది. రోశయ్యకు క్లీన్ చిట్ ఇస్తూ ఎసిబి ఇచ్చిన తుది నివేదిక రాజకీయ ప్రమేయంతో కూడిందని, ఎసిబి ఐఎఎస్ అధికారుల వాంగ్మూలాలను పరిగణనలోకి తీసుకోలేదని, రోశయ్యకు వ్యతిరేకంగా బలమైన సాక్ష్యాలున్నాయని, రాష్ట్రపతికి, ప్రధానికి ఇందుకు సంబంధించి తాజాగా లేఖ రాశామని తెలంగాణ న్యాయవాదుల సంఘం తెలిపింది.

ఈ కేసులో ఐఎఎస్ అధికారులు బిపి ఆచార్య, టి. సన్యాసి అప్పారావు ఎసిబి కోర్టు ముందు సాక్ష్యాలు ఇచ్చారు. భూమిని డీనోటిఫై చేయవద్దని తాము బలంగా చెప్పామని వారన్నారు. రోశయ్య ముఖ్యమంత్రిగా ఉన్నప్పుడు కోట్లాది రూపాయల ఖరీదు చేసే 9.14 ఎకరాల భూమిని డీనోటిఫై చేశారు.

English summary
The Tamil Nadu Governor, Mr K. Rosaiah, is heading for more trouble in the Ameerpet land scandal.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X