• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సిఎంపై కుట్రలు, తెలంగాణ వస్తేనే మార్పు: సర్వే

By Pratap
|

Survey Satyanarayana
హైదరాబాద్: ముఖ్యమంత్రి కిరణ్ కుమార్ రెడ్డిని కాంగ్రెసు తెలంగాణ ప్రాంత పార్లమెంటు సభ్యుడు సర్వే సత్యనారాయణ ప్రశంసలతో ముంచెత్తారు. దేశానికి మన్మోహన్ సింగ్ మిస్టర్ క్లీన్ అయితే రాష్ట్రానికి కిరణ్ కుమార్ రెడ్డి మిస్టర్ క్లీన్ అని ఆయన అన్నారు. మచ్చ లేకుండా కిరణ్ కుమార్ రెడ్డి రాష్టాన్ని పాలిస్తున్నారని ఆయన శనివారం మీడియా ప్రతినిధుల సమావేశంలో అన్నారు. కిరణ్ కుమార్ రెడ్డిపై కొందరు కుట్ర చేస్తున్నారని, కిరణ్ కుమార్ రెడ్డిని ముఖ్యమంత్రి పదవి నుంచి దింపేందుకు ప్రయత్నాలు చేస్తున్నారని, అందుకే రాజీనామా చేయాలని డిమాండ్ చేస్తున్నారని ఆయన అన్నారు. తమ పార్టీ అధ్యక్షురాలు సోనియా గాంధీకి రాష్ట్ర పరిస్థితులన్నీ తెలుసునని ఆయన అన్నారు. కిరణ్ కుమార్ రెడ్డి స్థానంలో మరొకరిని ముఖ్యమంత్రిగా తెచ్చేందుకు కొంత మంది ప్రయత్నాలు చేస్తున్నారని ఆయన విమర్శించారు.

కాంగ్రెసులోని కొంత మంది తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు, వైయస్సార్ కాంగ్రెసు పార్టీ అధ్యక్షుడు వైయస్ జగన్‌తో, తెలుగుదేశం పార్టీ అధ్యక్షుడు నారా చంద్రబాబు నాయుడితో మ్యాచ్ ఫిక్సింగ్ చేసుకున్నారని, సమయం వచ్చినప్పుడు వివరాలు బయటపెడతానని ఆయన అన్నారు. రోజుకో ముఖ్యమంత్రిని మార్చినా సీనియర్లు అసంతృప్తి గళం విప్పుతూనే ఉంటారని ఆయన వ్యాఖ్యానించారు. పార్టీని నాశనం చేయడానికి కొందరు కంకణం కట్టుకున్నారని, పార్టీ కార్యకర్తలే వారికి బుద్ధి చెప్తారని ఆయన అన్నారు. పార్టీని, ప్రభుత్వాన్ని బజారుకీడ్చే నాయకులు ఖబడ్దార్ అంటూ వారిని ఆయన హెచ్చరించారు. ముఖ్యమంత్రి పదవి కోసమే కిరణ్ కుమార్ రెడ్డిపై కుట్రలు చేస్తున్నారని ఆయన అన్నారు.

రాష్ట్ర విభజన జరిగితే తప్ప ముఖ్యమంత్రి మార్పు ఉండదని ఆయన చెప్పారు. ముఖ్యమంత్రి పీఠం అధిష్టించడానికి తెలంగాణలో సమర్థ నాయకుడు ఉన్నాడా అని ఆయన ప్రశ్నించారు. 2014కు ముందే తెలంగాణ రాష్ట్రం ఏర్పడుతుందని ఆయన అన్నారు. వచ్చే 18 స్థానాల ఉప ఎన్నికల్లో కాంగ్రెసును గెలిపించే బాధ్యతను తీసుకోవాలని, ఆ స్థానాల్లో కాంగ్రెసును గెలిపిస్తే తాము తెలంగాణ అడగబోమని ఆయన అన్నారు. ఉప ఎన్నికల్లో ప్రచారం చేయనివారు కూడా ఇప్పుడు విమర్శలు చేస్తున్నారని ఆయన అన్నారు. పార్లమెంటు సభ్యులు, మంత్రులు ఎంత మంది ఉప ఎన్నికల్లో ప్రచారం చేశారని ఆయన అడిగారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary

 Congress Telangana region MP Survey Satyanarayana has praised CM Kiran kumar Reddy.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more