వైయస్ అవినీతిపై మొయిలీ తప్పు చేశారు: పాల్వాయి

తిరుపతి: దివంగత నేత వైయస్ రాజశేఖర రెడ్డి అవినీతిపై అప్పటి కాంగ్రెసు రాష్ట్ర వ్యవహారాల ఇంచార్జీ వీరప్ప మొయిలీ పార్టీ అధిష్టానాన్ని తప్పుదోవ పట్టించారని కాంగ్రెసు సీనియర్ నాయకుడు పాల్వాయి గోవర్ధన్ రెడ్డి విమర్శించారు. వీరప్ప మొయిలీ వల్లనే రాష్ట్రంలో కాంగ్రెసు ఈ దుస్థితికి చేరుకుందని ఆయన అన్నారు. రాజ్యసభకు ఎన్నికైన ఆయన శనివారం తిరుమల శ్రీవారిని దర్శించుకున్నారు. ఈ సందర్భంగా ఆయన మీడియా ప్రతినిధులతో మాట్లాడారు.

వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి అవినీతి గురించి మాట్లాడటం విడ్డూరమని ఆయన విమర్శించారు. శాస్త్రాన్ని కూడా స్వార్థానికి వాడుకుంటున్నారని, పంచాంగాలు నమొద్దని పాల్వాయి గోవర్థన్‌రెడ్డి సూచించారు. రాష్ట్రంలో తమ గొంతు తామే కోసుకున్నామని ఆయన పార్టీ పరిస్థితిపై వ్యాఖ్యానించారు.

English summary

Congress senior leader Palwai Govardhan reddy has blamed Veerappa Moily for his party condition AP.