• search
  • Live TV
నెల్లూరు వార్తల కోసం
నోటిఫికేషన్స్ పై క్లిక్ చేయండి  

జగన్‌పార్టీలో లేను: లక్ష్మీపార్వతి, జూ.ఎన్టీఆర్‌కు కితాబు

By Srinivas
|

Laxmi Parvathi
నెల్లూరు: కష్టాలలో ఉన్న వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి అండగా ఉండాలనే తాను ఉప ఎన్నికలలో ఆయనకు మద్దతు పలికానని ఎన్టీఆర్ తెలుగుదేశం పార్టీ అధ్యక్షురాలు లక్ష్మీ పార్వతి ఆదివారం అన్నారు. వైయస్ జగన్‌కు తాను తల్లిలాంటి దానినని ఆమె చెప్పారు. శ్రీ పొట్టి శ్రీరాములు నెల్లూరు జిల్లా కావలిలో ఆదివారం ఓ వివాహానికి ఆమె హాజరయ్యారు.

ఈ సందర్భంగా జగన్ జైలు నుంచి విడుదల కావాలని కోరుతూ స్థానిక కలుగోళశాంభవి ఆలయంలో పూజలు చేశారు. అనంతరం విలేకరులతో మాట్లాడుతూ, తాను వైయస్సార్ కాంగ్రెసు పార్టీలో చేరలేదని చెప్పారు. కష్టాలలో ఉన్న జగన్‌కు అండగా ఉండాలని ఉప ఎన్నికలలో ఆయనకు మద్దతు పలికానన్నారు. స్వర్గీయ ఎన్‌టిఆర్ తర్వాత సమర్థుడైన నాయకుడు దివంగత వైయస్ రాజశేఖర రెడ్డియే అన్నారు.

జూనియర్ ఎన్టీఆర్‌లో ఎన్టీఆర్ లక్షణాలు, చరిష్మా మెండుగా ఉన్నాయన్నారు. చంద్రబాబు నియంతృత్వపు పోకడల వల్లే నేడు తెలుగుదేశం పార్టీ ఈ దుస్థితిలో ఉందన్నారు. రాష్ట్ర ప్రభుత్వం అన్ని రంగాలలో ఘోరంగా విఫలమైందన్నారు. వైయస్ బతికి ఉంటే ఇలా జరిగేదా అని ప్రజలు ఆలోచిస్తున్నారన్నారు.

రోజుకి కనీసం ఏడు గంటలు కూడా విద్యుత్ సరఫరా చేయలేని ప్రభుత్వానికి పాలించే అర్హతలేదన్నారు. విద్యుత్ కోతల వల్ల తీవ్రంగా నష్టపోయేది రైతులు, కార్మికులేనన్నారు. మహారాష్ట్ర కాంగ్రెస్ నాయకుడు షిండే గ్యాస్‌ను ఆ రాష్ట్రానికి తరలిస్తుంటే మన నాయకులు చోద్యం చూస్తున్నారని దుయ్యబట్టారు.

English summary
NTR TDP president Laxmi Parvathi said on Sunday that she is not in YSR Congress party. She praised Hero Junior NTR.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X