• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆగ్రా టు ఢిల్లీ: ఎక్స్‌ప్రెస్ వే ప్రారంభించిన అఖిలేష్

By Srinivas
|

 Yamuna Expressway finally opened
లక్నో/న్యూఢిల్లీ: ఉత్తర ప్రదేశ్ ముఖ్యమంత్రి అఖిలేష్ యాదవ్ గురువారం యమునా ఎక్స్‌ప్రెస్ వేను ప్రారంభించారు. అతను లక్నో నుండే వీడియో కాన్ఫరెన్స్ ద్వారా ఈ ఎక్స్‌ప్రెస్ వేను ప్రారంభించారు. ఆరు లైన్లతో 165 కిలోమీటర్ల పొడవున్న ఈ ఎక్స్‌ప్రెస్ వే అగ్రా నుండి గ్రేటర్ నోయిడా వరకు నిర్మించారు. ఈ ఎక్స్‌ప్రెస్ వే వల్ల నాలుగు గంటలకు పైగా తీసుకున్న సమయం ఇప్పుడు మూడు గంటల కంటే తగ్గుతుంది. అయితే ఈ ప్రాజెక్టును ప్రారంభించింది మాజీ ముఖ్యమంత్రి, బహుజన సమాజ్ వాది పార్టీ అధ్యక్షురాలు మాయావతి కాగా దానిని ప్రారంభించింది మాత్రం అఖిలేష్ యాదవ్.

అఖిలేష్ ప్రారంభించడంతో ఈ ఎక్స్‌ప్రెస్ వే క్రెడిట్ ఆయనకే దక్కింది. వేను ప్రారంభించిన అనంతరం అఖిలేష్ మాట్లాడుతూ.. దాని పైన ప్రారంభించేందుకు తమ పేరు రాసి ఉందని... ఇక దాని గురించి ఏం చెయ్యాలో మేం ఆలోచించాలన్నారు. దీన్ని నిర్మించిన జేపి గ్రూప్ ఆధ్వర్యంలోనే రహదారి నిర్వహణ కొనసాగుతుందని, అలాగే సమీప గ్రామాలకు అవసరమైన సర్వీసు రోడ్లను కూడా అదే నిర్మిస్తుందని అలాగే ఆయా గ్రామాల ప్రజలకు వాటిపై ఎలాంటి ఫీజు చెల్లించకుండానే తిరిగే సౌకర్యం కల్పింస్తుందని చెప్పారు. అలాగే భూ సేకరణ సమయంలో ఆందోళనకు దిగిన రైతులపై గత ప్రభుత్వం నమోదు చేసిన కేసులను ఎత్తివేస్తున్నట్లు అఖిలేష్ ప్రకటించారు.

కాగా ఎక్స్‌ప్రెస్ వే వల్ల ఢిల్లీ - ఆగ్రా మధ్య ప్రయాణం అటు ఇటు కాస్త సగం తగ్గిందని చెప్పవచ్చు. రూ.12 వేల కోట్లు ఖర్చు చేసి నిర్మించారు. సాయంత్రం నాలుగు గంటలకు దీనిపై రాకపోకలను అనుమతించారు. ఈ రహదారిపై మూడు చోట్ల ఏర్పాటు చేసిన టోల్ గేట్ల ద్వారా లైట్ మోటార్ వెహికల్ప్‌కు కిలో మీటరుకు రూ.2.10లు వసూలు చేస్తారు. అంటే ఒకసారి కారులో ప్రయాణానికి రూ.320లు, అదే ద్విచక్ర వాహనాలకైతే రూ.150లు టోల్ ఫీజు కింద చెల్లించాల్సి ఉంటుంది.

ఈ రహదారి నిర్మాణంలో అనేక కారణాలతో తీవ్ర జాప్యం చోటు చేసుకున్న సంగతి తెలిసిందే. రహదారి నిర్మాణానికి సేకరించిన భూమిపై రైతులు ఆందోళనలు, సమీప గ్రామాలకు ఉచితంగా సర్వీసు రోడ్లను నిర్మించాలన్న డిమాండ్లు రావడం.. అందుకోసం ఆందోళనలు జరగడంతో నిర్మాణ పనులలో జాప్యం తప్పలేదు. అలీగఢ్ జిల్లాల్లో ఈ రహదారి కోసం భూ సేకరణ సమయంలో రైతుల నుంచి తీవ్ర నిరసనలు వ్యక్తం కావడంతో పోలీసు కాల్పులకు దారితీసింది.

English summary
After encountering several road blocks and witnessing one of the fiercest farmers’ agitations over compensation of land in 2010 and 2011 that led to a police firing in which about half-a-dozen people were killed, the 165.537 km-long Noida-Agra Yamuna Expressway was inaugurated by Uttar Pradesh Chief Minister Akhilesh Yadav via video-link on Thursday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X