రాజకీయాల్లోకి బిల్ క్లింటన్ తనయ చెల్సియా క్లింటన్?
ప్రస్తుతం ఆమె మునుపటి మాదిరిగా రాజకీయ ప్రవేశాన్ని కాదని తీసిపారేయడం లేదు. ప్రస్తుతం అంతర్జాతీయ సంబంధాలపై డాక్టరేట్ చేస్తున్న ఆమె ఎన్బిసి న్యూస్ కంట్రిబ్యూటర్గా పని చేస్తున్నారు. 2008లో అధ్యక్ష పదవి కోసం తన తల్లి హిల్లరీ చేసిన ప్రయత్నం విఫలమైన ఉదంతంపై వోగ్ పత్రిక సెప్టెంబర్ సంచిక కోసం చెల్సియా ఇంటర్వ్యూ ఇచ్చారు. రాజకీయాల్లోకి వస్తారా అని ప్రశ్నించగా, చెప్పలేనని అన్నారు.
తన అమ్మ ఎన్నికల ప్రచారం సమయంలో కాదని చెప్పానని, అదొక్కటనే కాదు కానీ.. తాను కూడా దాని గురించి ఆలోచిస్తున్నానని, ప్రజలు పూర్తి సమయాన్ని వెచ్చించాలని నన్ను అడుగుతున్నారని ఆమె చెప్పారు. ఓటు వేయడానికి అర్హత వచ్చినప్పటి నుంచి ఓటు వేస్తున్నానని తెలిపారు. సమాన న్యాయం గల ప్రపంచం కోసం తాను తపిస్తున్నట్టు చెప్పారు. బిల్ క్లింటన్ అధ్యక్షునిగా వ్యవహరించినపుడు చెల్సియా పడుచు ప్రాయం శ్వేతసౌధంలోనే గడిచింది.
ఇంతకుముందు తమ హోదా కారణంగా వ్యక్తిగత జీవితం కూడా పదుగురి దృష్టిలో పడిందని చెల్సియా అన్నారు. ఇప్పుడేమో.. కావాలనే ప్రజాజీవితంలోకి అడుగు పెడుతున్నట్టు వ్యాఖ్యానించారు.
Click it and Unblock the Notifications
Sign in with Google