• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణపై దాటవేత ధోరణి: బాబుపై టిటిడిపి కినుక

By Srinivas
|

Chandrababu Naidu-Telangana
హైదరాబాద్: తమ పార్టీ అధ్యక్షుడు నారా చంద్రబాబు నాయుడుపై తెలంగాణ ప్రాంత తెలుగుదేశం పార్టీ నేతలు తీవ్ర అసంతృప్తితో ఉన్నారు. సోమవారం ఎన్టీఆర్ ట్రస్టు భవనంలో టిడిపి విస్తృతస్థాయి సమావేశం జరిగింది. ఈ సమావేశంలో పలు సమస్యలను ప్రస్తావించిన చంద్రబాబు తెలంగాణపై మాత్రం తేల్చలేదు. దీంతో వారు బాబు వైఖరిపై తీవ్ర అసంతృప్తిని వ్యక్తం చేస్తున్నారు. పార్టీ విస్తృత స్థాయి సమావేశం అనంతరం టి-టిడిపి నేతలు పలువురు వేరుగా సమావేశమయ్యారు.

సమావేశంలో చంద్రబాబు కేంద్రానికి రాయాల్సిన లేఖ పైన, తెలంగాణ పైన మాట్లాడక పోవడంతో ఆయన ఈ విషయంపై దాటవేత ధోరణితో వ్యవహరిస్తున్నారనే అభిప్రాయానికి టిటిడిపి నేతలు వచ్చినట్లుగా తెలుస్తోంది. దీంతో వారు ప్రత్యేకంగా సమావేశమై బాబు వైఖరిపై తీవ్ర అసంతృప్తిని వ్యక్తం చేశారని తెలుస్తోంది. ఈ నెల 30వ తేదిలోగా తెలంగాణకు అనుకూలంగా కేంద్రానికి లేఖ ఇవ్వాలని, ఆ తర్వాత ఇచ్చినా లాభం ఉండదని బాబుకు చెప్పాలని వారు నిర్ణయించుకున్నట్లుగా తెలుస్తోంది.

ఈ వారం రోజుల్లోనే తెలంగాణపై బహిరంగ ప్రకటన, కేంద్రానికి టిడిపి తరఫున లేఖ పంపించే విషయాలపై చంద్రబాబు మీద ఒత్తిడి తీసుకు వచ్చి ఒప్పించాలని వారు నిర్ణయించుకున్నారు. అప్పటికీ బాబు స్పందించని పక్షంలో, ఒకవేళ స్పందించినా ఎలా స్పందిస్తారో చూసిన తర్వాత భవిష్యత్ కార్యాచరణ రూపొందించాలని తెలంగాణ నేతలు నిర్ణయించుకున్నారు.

ఇటీవల ఉద్యమం ఉధృతంగా ఉన్న నేపథ్యంలో పార్టీ తెలంగాణకు అనుకూలంగా ఉందని, లేఖ ఇచ్చేందుకు కూడా సిద్ధంగా ఉందనే విషయాన్ని ప్రజల్లోకి తీసుకు వెళ్లామని, ఇప్పుడు వెనక్కి పోతే తీవ్ర నష్టం జరుగుతుందని వారు భావిస్తున్నారు. దీంతో ఎలాగైనా మొదట బాబును ఒప్పించే ప్రయత్నాలు చేస్తున్నారు. ఎర్రబెల్లి దయాకర రావు, కడియం శ్రీహరి, రేవంత్ రెడ్డి తదితర టిటిడిపి నేతలు ప్రత్యకంగా సమావేశమయ్యారు.

English summary
Telangana Telugudesam Party leaders were disappointed with party chief Nara Chandrababu Naidu's lecture without Telangana issue. They met in NTR Trust Bhavan and decided to put pressure on chief.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X