• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఎఐసిసి వర్కింగ్ ప్రెసిడెంట్‌గా రాహుల్ గాంధీ?

By Pratap
|

Rahul Gandhi
న్యూఢిల్లీ: కాంగ్రెసు అధ్యక్షురాలు సోనియా గాంధీ కుమారుడు రాహుల్ గాంధీ ప్రధాని మన్మోహన్ సింగ్ మంత్రివర్గంలో చేరడం లేదని తెలుస్తోంది. పార్టీలోనే ఆయన పెద్ద పాత్ర పోషిస్తారని అంటున్నారు. పార్టీలో ఏ విధమైన బాధ్యతలు నిర్వహిస్తారనేది స్పష్టం కాలేదు. ఆయితే, ఆయనను ఎఐసిసి వర్కింగ్ ప్రెసిడెంట్‌గా నియమించే అవకాశాలున్నట్లు ప్రచారం సాగుతోంది. మంత్రి వర్గ పునర్వ్యస్థీకరణ జరుగుతుందని ప్రచారం వెలువడుతున్న నేపథ్యంలో సోనియా గాంధీ సోమవారం కొంత మంది కేంద్ర మంత్రులతో, పార్టీ సీనియర్ నేతలతో చర్చలు జరిపారు.

తృణమూల్ కాంగ్రెసు తప్పుకున్న తర్వాత ఖాళీ అయిన రైల్వే శాఖ బాధ్యతలు చేపట్టిన సిపి జోషీ సోనియా గాంధీని కలిసినవారిలో ఉన్నారు. మహారాష్ట్ర ముఖ్యమంత్రి పృథ్వీరాజ్ చవాన్‌తో కూడా సోనియా చర్చలు జరిపారు. చవాన్‌తో పాటు నారాయణ రాణేకు, మరికొంత మంది మహారాష్ట్రకు చెందిన నాయకులకు కేంద్ర మంత్రివర్గంలో చోటు కల్పించే అవకాశాలున్నట్లు చెబుతున్నారు. మహారాష్ట్ర పార్టీ వ్యవహారాల ఇంచార్జీ మహోన్ ప్రకాష్ కూడా సోనియాను కలిశారు.

పృథ్వీరాజ్ చవాన్‌ను ముఖ్యమంత్రిగా పంపడంతో, విలాస్ రావు దేశ్‌ముఖ్ మరణించడంతో మహారాష్ట్రకు సంబంధించి కేంద్ర మంత్రివర్గంలో రెండు బెర్తులు ఖాళీ అయ్యాయి. కేంద్ర ఆరోగ్య శాఖ మంత్రి గులాం నబీ ఆజాద్, ఎఐసిసి కోశాధికారి మోతిలాల్ వోరా, తన రాజకీయ సలహాదారు అహ్మద్ పటేల్‌లతో ఆమె చర్చలు జరిపారు.

గులాం నబీ ఆజాద్‌ను మంత్రి వర్గం నుంచి తప్పించి ఆయనకు పార్టీ బాధ్యతలు అప్పగించే అవకాశాలున్నట్లు ప్రచారం సాగుతోంది. తృణమూల్ కాంగ్రెసు వైదొలగడంతో ఖాళీ అయిన ఆరు మంత్రి పదవుల్లో రెండు లేదా మూడు పశ్చిమ బెంగాల్‌కు దక్కే అవకాశాలున్నట్లు చెబుతున్నారు. బేణీ ప్రసాద్ వర్మ, కపిల్ సిబాల్, సిపి జోషి, వీరప్ప మొయిలీ, వాయలార్ రవి రెండేసి శాఖలు నిర్వహిస్తున్నారు. వారి నుంచి ఒక్కో శాఖను తొలగించి కొత్త మంత్రులకు కేటాయించే అవకాశం ఉంది.

ఆంధ్రప్రదేశ్‌కు సంబంధించి చిరంజీవితో పాటు మరో ఒకరిద్దరికి మంత్రి పదవులు ఇచ్చే అవకాశాలున్నట్లు చెబుతున్నారు. ఇది తెలంగాణపై తీసుకునే నిర్ణయంపై ఆధారపడవచ్చునని అంటున్నారు. రాహుల్ గాంధీకి పార్టీలో పెద్ద బాధ్యతలు అప్పగించే ప్రయత్నంలో ఎఐసిసి కార్యదర్శివర్గంలో మార్పులుంటాయని చెబుతున్నారు.

English summary
A reshuffle of the AICC secretariat is also on the cards and Amethi MP Rahul Gandhi is expected to get a larger responsibility in the organization. The exercise could see some of the ministers holding charges of two ministries losing one of the portfolios.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X