రోడ్డు ప్రమాదంలో కమెడియన్ జస్పాల్ భట్టి మృతి

చండీఘర్: చలన చిత్ర నటుడు, కమెడియన్ జస్పాల్ భట్టి రోడ్డు ప్రమాదంలో మరణించారు. జలంధర్ సమీపంలో గురువారం జరిగిన రోడ్డు ప్రమాదంలో ఆయన కన్నుమూశారు. జస్పాల్ భట్టి ప్రయాణిస్తున్న కారు రోడ్డు పక్కన ఉన్న చెట్టును ఢీకొని ప్రమాదానికి గురైంది. ఆయనకు 57 ఏళ్లు.

జిల్లాలోని నకోదర్ ప్రాంతంలో గల షాకోట్ సమీపంలో ఈ ప్రమాదం జరిగిందని జస్పాల్ భట్టి సహాయకుడు వినోద్ శర్మ చెప్పారు. శుక్రవారం విడుదల కావాల్సిన తన పంజాబీ సినిమా పవర్ కట్ ప్రమోషన్ కోసం భటిండా నుంచి జలంధర్ వెళ్తుండగా ఆయన మృత్యువాత పడ్డారు.

కారు నడుపుతున్న భట్టీ కుమారుడు జస్‌రాజ్, సినిమా హీరోయిన్ సురీల్ గౌతం ప్రమాదంలో గాయపడ్డారు. వారిని జలంధర్‌లోని ఆస్పత్రికి చికిత్స నిమిత్తం తరలించారు. తన కొత్త సినిమా ప్రమోషన్ కోసం భట్టీ ఈ మధ్య విపరీతంగా ప్రయాణాలు చేస్తున్నారని శర్మ చెప్పారు.

చట్టపరమైన విషయాలను పూర్తి చేసిన తర్వాత భట్టీ మృతదేహాన్ని చండీఘర్ తరలించారు. అంత్యక్రియలు గురువారం సాయంత్రం జరిగే అవకాశాలున్నాయి. భట్టికి భర్యా సవిత, ఓ కుమారుడు, ఓ కూతురు ఉన్నారు.

English summary

Film actor and comedian Jaspal Bhatti died in a road accident near Jalandhar early on Thursday.he car in which the 57- year-old actor, director was travelling hit a roadside tree near Shahkot in Nakodar area of the district around 1am, Bhatti's associate Vinod Sharma said.