• search
వరంగల్ వార్తల కోసం
నోటిఫికేషన్స్ పై క్లిక్ చేయండి  

ఇద్దరు మంత్రుల కొడుకులపై యువజన కాంగ్రెస్ వేటు

By Srinivas
|
Balaram Naik-Baswaraj Saraih
వరంగల్/హైదరాబాద్: వరంగల్ జిల్లాకు చెందిన ఇద్దరు మంత్రుల తనయులపై వేటు పడింది. మంత్రుల తనయులను యూత్ కాంగ్రెసు నుంచి బహిష్కరించారు. బిసి సంక్షేమ శాఖ మంత్రి బస్వరాజు సారయ్య తనయుడు బస్వరాజు శ్రీమాన్, కేంద్రమంత్రి పోరిక బలరాం నాయక్ తనయుడు పోరిక సాయి శంకర్‌లను యువజన కాంగ్రెసు రాష్ట్ర వ్యవహారాల ఇంచార్జ్ లిజ్జు సస్పెండ్ చేస్తూ ఆదేశాలు జారీ చేశారు.

శ్రీమాన్, సాయి శంకర్‌లను సమావేశాలకు సరిగా హాజరు కాకపోవడం, కార్యక్రమాల్లో పాలుపంచుకోవడం తదితర కారణాలతో బహిష్కరించినట్లుగా తెలుస్తోంది. వారికి నోటీసులు ఇచ్చినప్పటికీ వారి చర్యలపై సరైన సమాధానం రాలేదని చెబుతున్నారు. శ్రీమాన్ వరంగల్ తూర్పు అసెంబ్లీ స్థానానికి, సాయి శంకర్ మహబూబ్ నగర్ పార్లమెంటు స్థానానికి యూత్ కాంగ్రెసు అధ్యక్షులుగా ఎన్నికయ్యారు.

వీరు గత జూలైలో ఎన్నికయ్యారు. నాలుగు నెలలుగా వారు శిక్షణా కార్యక్రమాలకు, మెంబర్ షిప్ కార్యక్రమాలకు, ప్రభుత్వం కార్యక్రమాల అవగాహన కార్యక్రమాలకు, రివ్యూ సమావేశాలకు గైర్హాజరవుతున్నట్లుగా చెబుతున్నారు. రాష్ట్ర అధ్యక్షుడు లిజ్జు నోటీసులకు కూడా వారు స్పందించలేదని అందుకే బహిష్కరించినట్లుగా చెప్పారు.

అయితే.. యువజన కాంగ్రెస్ రాష్ట్ర అధ్యక్షుడు వంశీచంద్ రెడ్డి ఏకపక్షంగా వ్యవహరిస్తున్నారని, ఆయనను వ్యక్తిగతంగా కలిస్తేనే యువజన కాంగ్రెస్‌కు సేవలు అందిస్తున్నట్లుగా.. స్వతంత్రంగా వ్యవహరిస్తే నిర్లక్ష్యంగా ఉన్నట్లుగా ఫిర్యాదులు చేస్తున్నారని సస్పెన్షన్‌కు గురైన వారి వర్గం ఆరోపిస్తోంది.

గతంలో ఆయన పార్టీని వీడిన వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి సన్నిహితంగా మెలిగిన సంగతిని ఎవరూ విస్మరించలేదని, రిలయన్స్‌పై దాడుల వ్యవహారాన్ని ఎవరూ మరిచిపోలేదని దీనిని యువజన కాంగ్రెస్ అధినాయకత్వం దృష్టికి తీసుకువెళ్తామని వారంటున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని వరంగల్ వార్తలుView All

English summary
The sons of Two Congress ministers were suspended from The Youth Congress on Thursday for non - performance.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more