• search
విజయవాడ వార్తల కోసం
నోటిఫికేషన్స్ పై క్లిక్ చేయండి  

అక్బరుద్దీన్ చుట్టూ ఉచ్చు: మరో రెండు కేసులు

By Pratap
|
Akbaruddin
హైదరాబాద్: మజ్లీస్ శానససభ్యుడు అక్బరుద్దీన్ ఓవైసీపై ఉచ్చు మరింత బిగిస్తున్నట్లు అనిపిస్తోంది. ద్వేషపూరిత ప్రసంగంపై తాజాగా ఆయనపై సోమవారం మరో రెండు చోట్ల కేసులు నమోదయ్యాయి. వరంగల్ జిల్లా జనగాంలో ఆయనపై కేసు నమోదైంది. అక్బరుద్దీన్ ద్వేషపూరిత ప్రసంగంపై విజయవాడలో న్యాయవాదులు సోమవారం కోర్టులో ప్రైవేట్ పిటిషన్ దాఖలు చేశారు. దీంతో అక్బరుద్దీన్‌పై కేసు నమోదు చేయాలని కోర్టు కృష్ణలంక పోలీసులను ఆదేశించింది.

ఇదిలావుంటే, అక్బరుద్దీన్ విచారణకు హాజరు కావాల్సిందేనని డిజిపి దినేష్ రెడ్డి అన్నారు. అక్బరుద్దీన్ విషయాన్ని విచారణాధికారి చూసుకుంటారని ఆయన సోమవారం అన్నారు. కాగా, అక్బరుద్దీన్ నిజామాబాద్ వచ్చే రోజున బంద్ పాటించాలని బిజెపి శానససభ్యుడు లక్ష్మినారాయణ పిలుపునిచ్చారు. అక్బరుద్దీన్ ద్వేషపూరిత ప్రసంగానికి నిరసనగా రేపు (మంగళవారం) నిరశన దీక్షలు చేయనున్నట్లు ఆయన సోమవారం చెప్పారు. అక్బరుద్దీన్ విషయంలో పోలీసులు ఉదాసీనంగా వ్యవహరిస్తున్నారని ఆయన విమర్శించారు. కాగా, ఆదిలాబాద్ జిల్లా పోలీసులు అక్బరుద్దీన్ ఆరోగ్యాన్ని పరిశీలించేందుకు వైద్యులను పంపే ప్రయత్నంలో ఉన్నట్లు తెలుస్తోంది.

కాగా, మజ్లీస్ శాసనసభ్యుడు అక్బరుద్దీన్ వ్యాఖ్యలపై రాష్ట్ర వ్యాప్తంగా ఆందోళనలు కొనసాగుతున్నాయి. అక్బరుద్దీన్ ద్వేషపూరిత వ్యాఖ్యలకు నిరసనగా నిర్మల్‌లో బిజెపి ఇచ్చిన బంద్ కొనసాగుతోంది. పలుచోట్ల బీజేపీ నేతలు ఆందోళనలకు దిగారు. ఆందోళనకారులను పోలీసులు అడ్డుకుని అరెస్ట్ చేశారు. నిర్మల్ నుంచి ర్యాలీగా బయలుదేరిన ఆందోళనకారులను పాతబస్టాండ్ వద్ద పోలీసులు అడ్డుకున్నారు. లాఠీచార్జి జరపడంతో పరిస్థితి ఉద్రిక్తంగా మారింది. బిజెపి జిల్లా అధ్యక్షుడు రావుల రామనాథం సహా పలువురిని పోలీసులు అరెస్ట్ చేశారు.

హైదరాబాదులోని లాల్‌దర్వాజలో అక్బరుద్దీన్ దిష్టిబొమ్మను బిజెపి నాయకులు, కార్యకర్తలు దగ్దం చేశారు. వారిని పోలీసులు అరెస్ట్ చేసి, ఫలక్‌నుమా పోలీసు స్టేషన్‌కు తరలించారు. అక్బరుద్దీన్‌ను అరెస్ట్ చేయాలంటూ మొజంజాఫీ మార్కెట్ వద్ద బిజెపి కార్యకర్తలు ఆందోళనకు దిగారు. అక్బరుద్దీన్ దిష్టి బొమ్మను దహనం చేశారు. పోలీసులు అడ్డుకుని లాఠీచార్జి జరిపారు. దత్తాత్రేయ సహా పలువురిని అరెస్ట్ చేశారు. మహబూబ్‌నగర్ జిల్లాలో కూడా అక్బరుద్దీన్ వ్యాఖ్యలపై ఆందోళన జరిగింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని విజయవాడ వార్తలుView All

English summary
Two more cases were booked against MIM MLA Akbaruddin Owaisi at Jangaon of Warangal district and at Vijayawada.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more