ఢిల్లీ రేప్ విక్టిమ్ కూడా దోషే: ఆసారాం బాపు వ్యాఖ్య

న్యూఢిల్లీ: ఢిల్లీ సామూహిక అత్యాచార బాధితురాలపై ఆధ్యాత్మిక గురువు ఆసారాం బాపు వివాదాస్పద వ్యాఖ్యలు చేశారు. సంఘటనలో సామూహిక అత్యాచార బాధితురాలు కూడా దోషేనని ఆయన వ్యాఖ్యానించారు. కేవలం ఐదాగురు మాత్రమే నిందితులు కారని, రేపిస్టు కూడా దోషేనని ఆయన అన్నారు. తనపై అత్యాచారానికి ప్రయత్నం చేస్తున్నప్పుడు ఆమె వారిని సోదురులు అంటూ సంబోధిస్తూ అత్యాచారానికి పాల్పడకూడదని వేడుకోవాల్సిందని ఆయన అన్నారు.

ఒక చేయితో చప్పట్లు కావని, రెండు చేతులు కలిస్తేనే చప్పట్లవుతాయని, బాధితురాలు వారిని సోదరులుగా సంబోధించి వేడుకుని ఉంటే ఆమె మర్యాద, జీవితం దక్కి ఉండేవని అన్నారు. ఆయన వివాదాస్పద వ్యాఖ్యలపై సోమవారం వార్తలు వచ్చాయి. నిందితులకు కఠిన శిక్షలు కూడవని, చట్టం దుర్వ్వినియోగం అయ్యే అవకాశాలున్నాయని ఆయన అన్నారు.

చాలా చట్టాలు దుర్వ్వినియోగం అవుతున్నాయని, వరకట్నం వేధింపుల చట్టాన్ని చూస్తే ఈ విషయం స్పష్టంగా అర్థమవుతుందని ఆసారాం బాపు అన్నారు. ఢిల్లీ గ్యాంగ్ రేప్ కేసులో ఐదుగురు నిందితులను సోమవారం సాకేత్ జిల్లా కోర్టులో సోమవారం ప్రవేశపెట్టారు.

ఢిల్లీ గ్యాంగ్ రేప్ కేసు నిందితులను త్వరగా విచారించి, వారికి కఠినమైన శిక్షలు వేయాలని దేశమంతా డిమాండ్ చేస్తున్న తరుణంలో ఆసారాం బాపు వివాదాస్పద వ్యాఖ్యలు చేశారు. అత్యాచారాల నిరోధానికి కఠిన చట్టాలను రూపొందించాలని ప్రభుత్వం కూడా చర్యలు తీసుకుంటోంది.

English summary

According to media reports - Spiritual guru Asaram Bapu has landed himself in a controversy over his remark that the December 16 Delhi gang-rape victim is as guilty as those responsible for the barbaric sexual assault on her.