• search
For vijayawada Updates
Allow Notification  

    వైయస్ జగన్ ఎమెల్యే పార్టీలోకి జోగి రమేష్ జంప్?

    By Pratap
    |
    Jogi Ramesh-YS Jagan
    విజయవాడ: పిసిసి అధ్యక్షుడు బొత్స సత్యనారాయణపై తీవ్ర వ్యాఖ్యలు చేసిన కాంగ్రెసు శాసనసభ్యుడు జోగి రమేష్ వైయస్ జగన్ నాయకత్వంలోని వైయస్సార్ కాంగ్రెసు పార్టీలో చేరే అవకాశాలున్నట్లు చెబుతున్నారు. అందులో భాగంగానే ఆయన బొత్స సత్యనారాయణపై తీవ్రంగా మండిపడినట్లు సమాచారం. పైగా, వైయస్సార్ కాంగ్రెసు పార్టీలో చేరుతారా అని మీడియా ప్రతినిధులు అడిగితే సమాధానం చెప్పకుండా దాటవేశారు. ప్రస్తుతం తాను కాంగ్రెసు శాసనసభ్యుడిగా మాట్లాడుతున్నానని చెప్పి ఆ ప్రశ్నకు సమాధానం చెప్పలేదు.

    వైయస్ జగన్‌కు మద్దతు ఇస్తున్న తమ పార్టీకి చెందిన 9 మంది శానససభ్యులపై వేటు వేసినట్లు బొత్స శుక్రవారం చేసిన ప్రకటనపై మాట్లాడేందుకు జోగి రమేష్ శనివారం మీడియా ప్రతినిధుల సమావేశంలో ఏర్పాటు చేశారు. కిరణ్ కుమార్ రెడ్డిని దించి, తాను ముఖ్యమంత్రి పీఠం అధిష్టించేందుకు బొత్స ప్రయత్నాలు చేస్తున్నారని, అందుకే రాజ్యాంగ సంక్షోభం సృష్టించాలని బొత్స కుట్ర చేస్తున్నారని ఆయన ఆరోపించారు. ఈ సందర్భంగానే జోగి రమేష్‌ను వైయస్సార్ కాంగ్రెసు పార్టీలో చేరే విషయంపై మీడియా ప్రతినిధులు ప్రశ్నించారు.

    జోగి రమేష్ వైయస్సార్ కాంగ్రెసు పార్టీలో చేరడానికి సిద్ధమైనట్లు మొదటి నుంచీ వార్తలు వస్తున్నాయి. అయితే, చాలా కాలంగా ఆ ప్రచారం జరుగుతున్నప్పటికీ ఆయన కాంగ్రెసులోనే కొనసాగుతూ వస్తున్నారు. ఈ నేపథ్యంలోనే వేటు వేస్తున్నట్లు బొత్స సత్యనారాయణ ప్రకటన చేశారు. అది జోగి రమేష్‌కు మింగుడు పడని వ్యవహారంగా మారిందని అంటున్నారు.

    మొత్తం వ్యవహారంలో తెలంగాణ నుంచి మరో విమర్శ కూడా వస్తోంది. వైయస్ జగన్‌ను బలోపేతం చేయడానికి సీమాంధ్ర నేతలు సమైక్యాంధ్ర నినాదాన్ని వినిపిస్తున్నారనేది ఆ విమర్శ. రాష్ట్ర విభజన జరిగితే తాను రాజీనామా చేస్తానని జోగి రమేష్ చెబుతూ వస్తున్నారు. శనివారంనాటి మీడియా సమావేశంలో కూడా దానికే తాను కట్టుబడి ఉన్నట్లు చెప్పారు. సమైక్యాంధ్ర పేరుతో వైయస్ జగన్‌ను బలోపేతం చేసి, అటు వైపు వెళ్లడానికి చూస్తున్న ప్రజాప్రతినిధుల జాబితాను కాంగ్రెసు పార్టీ సిద్ధం చేసినట్లు చెబుతున్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    మరిన్ని విజయవాడ వార్తలుView All

    English summary
    It is said that Congress MLA Jogi Ramesh may jump into YS Jagan's YSR Congress party.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more